Rémin l’è la mi bèla,
una zità idéèla,
ma quii ch’ii diš mèl,
ai dag dré cun e’ curtèl.
Tótavi’ quand ch’ e’ piòv,
al machini lin s’ mòv,
ublighèdi a stè sla strèda,
ènca una mèza zurnèda.
E’ mutiv forse e’ pò ès,
che da quand jà ciuš i fès,
se piòv una gran masa,
int la zità un si pasa.
Té zéintre e ti bórg
u jè di pauruš ingórg,
sal machini ch’al sòna,
sla zèinta ch’lan stà bòna.
Jòmne e dòni j biastima,
i vò tót quant pasè prima,
mo per pasè a ògni còst,
ch’ i vaga t un ènt pòst!
Tènimòdi un gni si scapa,
sla zità ch’ la s’intapa,
e’ bšägna cambiè strèda,
e na a stè ilé da véda.
Us pasa da San Marèin,
zà che ilé us zira bèin,
ènca s’u jè la piòva,
u n’è ‘na ròba nòva!
Zó mal còsti dla muntagna,
la còr l’aqua e lan stagna,
la s’incanèla ti scul,
e la va zó a Cèrašul.
Al machini tènt per dila,
ilasó lin fà la fila,
lin si fèrma quand al va,
tla tèra dla libertà.
A San Marèin us pasa,
sèinza biastimè ‘na masa
e’ sènt l’ à fat e’ mirècul,
per fè zirè bèin i vejècul.
Ivano Aurelio Muratori
L’ INGORGO
Rimini è la mia bella,/ una città ideale,/ e a quelli che le dicono male,/ corro loro dietro col coltello.
Tuttavia quando piove/ le macchine non si muovono,/ obbligate a stare sulla strada,/ anche una mezza giornata.
Il motivo forse può essere,/ che da quando han chiuso i fossi,/ se piove molto,/ nella città non si passa.
Nel centro e nei borghi,/ ci sono dei paurosi ingorghi,/ con le macchine che suonano,/ e la gente che non sta buona.
Uomini e donne bestemmiano,/ vogliono tutti quanti passare prima,/ ma per passare ad ogni costo,/ che vadano in un altro posto.
Tanto non ci si scappa,/ con la città ostruita,/ bisogna cambiar strada,/ e non a star lì a guardare.
Si passa da San Marino,/ già che lì si gira bene,/ anche se c’è la pioggia,/ non è una cosa nuova!
Giù per le coste della montagna,/ corre l’acqua e non ristagna,/ s’incanala negli scoli,/ e va giù a Cerasolo.
Le macchine, tanto per dirla,/ lassù non fanno la fila,/ non si fermano quando vanno,/ nella terra della libertà.
A San Marino si passa,/ senza bestemmiare molto,/ il santo ha fatto il mira- colo,/ di far girare bene i veicoli.