Un brót dé al sèt e un quèrt,
u m’à ciap un infèrt,
ciuša una curunèria,
per pòc an sò sèlt pr’èria.
L’è perché ti prim minut,
ò fat prèst a ciamè ajùt,
e a sò ‘rvat sè zèintezdòt,
tl uspidèl un quèrt ma gl’jòt.
S’un ritèrd ad mèz’óra,
chi sà s’ai séra ancóra,
un m’è manchè pu tènt,
per finì int e’ camsènt.
E quèst l’è stè perché,
ilé i m’à salvè,
j m’à ciap per i cavèl,
quand ch’u m’è vnù e’ préll.
In t un šbréss e’ primèrie,
l’à vèrt al curunèrie,
u j’à mes un pèra ad stènt,
un mirècul véramèint.
Ló l’à fat un bèl lavór,
u m’à sistèmè e’ còr,
upèraziòun riusida,
e u m’à salvè la vita.
Mè per dila pròpie tóta,
am la séra vésta bróta,
e prima dl’intervènt,
avéva dmand l’òglie sènt.
St’ infèrt an sò perché,
e sia téc pròpi mu mè,
e’ fat u m’intriga,
ò vù pjó cul o pjó sfiga?
Ivano Aurelio Muratori
L’ INFARTO PROPRIO A ME!
Un brutto giorno alle sette e un quarto,/ mi ha preso un infarto,/ chiusa una coronaria,/ per poco non son saltatato per aria.
È perché nei primi minuti,/ ho fatto presto a chiamare aiuto,/ e sono arrivato col centodiciotto,/ all’ospedale un quarto alle otto.
Con un ritardo di mezz’ora,/ chissà se io c’ero ancora,/ non mi è mancato poi tanto,/ per finire nel camposanto.
E questo è stato perché,/ lì mi hanno salvato,/ mi hanno preso per i capelli,/ quando mi è venuto il colpo.
In un lampo il primario,/ ha aperto le coronarie,/ c’ha messo un paio di stent,/ un miracolo veramente.
Lui ha fatto un bel lavoro,/ mi ha sistemato il cuore,/ operazione riuscita e mi ha salvato la vita.
Io per dirla proprio tutta,/ me l’ero vista brutta,/ e prima dell’intervento,/ avevo chiesto l’olio santo.
Questo infarto non so perché,/ sia toccato proprio a me,/ il fatto m’intriga,/ ho avuto più culo o più sfiga?
