Ir séra am sò indurmèint,
mo l’è stè un turmèint,
a sugnèva da vè séda,
una ròba èšagèrèda.
Per furtuna che un um diš,
bèin arvàt, t ci in paradiš,
arpònste, mètte da sdé
che adèss at dag da bé.
Am sò dét: tó a casc bèin!
im vò dè un bicér d’vèin,
im sèrvès cume un sgnór
a sò tal grèzi de Signór.
La m’à cumòs l’avduda
sla prumèsa d’una buda,
e a sò arvènz cuntèint,
de bèl rizévimèint.
Mo l’ariva dòp d’un óra,
un aquaròl s’ una sòra,
scap d’ indòv vatalapèsca,
per dém da bé aqua frèsca.
Òs-cia ad Dio a j’ò dét mè,
sa quèla am dè da bé?
nun sl’aqua in Rumagna,
as lavém faza e bašagna.
I Rumagnul i dà e’ Sanzvéš,
ma chi vèin d’un ènt paéš,
j fa l’avduda, il trata bèin,
s’un bicèr pin ad vèin.
In paradiš a si tènt purét,
da dè l’aqua de rubinèt,
a jò dét: mo sènta peša,
a n’avì e’ vèin dla chèša?
La m’arspòst la sóra:
l’è aqua dla Sacramòra,
sicòm ch’l’è bènèdèta,
a s’atachèm cmè ma la tèta.
Basta! per dila tóta,
am sò švég sla bäca sóta,
l’aqua ch’im vlèva dè,
agl’jò lasa tóta ilé.
Ivano Aurelio Muratori
MI HAN DATO ACQUA IN PARADISO
Ieri sera mi sono addormentato,/ ma è stato un tormento,/ sognavo di aver sete,/ una roba esagerata.
Per fortuna che uno mi dice,/ ben arrivato, sei in paradiso,/ riposati, mettiti seduto,/ che adesso ti dò da bere.
Mi sono detto: tò, cado bene!/ mi vogliono dare un bicchiere di vino,/ mi servono come un signore,/ sono nelle grazie del S ignore.
Ma arriva dopo un’ora,/ un acquaiolo con una suora,/ da dove vattelappesca,/per darmi da bere acqua fresca.
Osta gli ho detto io,/ con quella mi date da bere?/ noi con l’acqua in Romagna,/ ci laviamo faccia e basagna.
I Romagnoli danno il Sangiovese,/ a chi viene da un altro paese,/ gli fanno la festa, lo trattano bene,/ con bicchiere pieno di vino.
In paradiso siete tanto poveretti,/ da dare l’acqua del rubinetto,/ ho detto loro: ma santa pace,/ non avete il vino della casa?
Mi ha risposto la suora:/ è acqua della Sacramora,/ siccome che è benedetta,/ ci attacchiamo come alla tetta.
Basta! per dirla tutta,/ mi son svegliato con la bocca asciutta,/ l’acqua che mi volevano far bere,/ glielo lasciata tutta lì.
