J rimniš jà la pasiòun,
e dla gnoca, e de sardòun,
e de sanzvéš, e dla pièda,
tóta ròba prèlibéda.
La gnòca per riguèrd,
l’è mèj lasèla pèrd,
tènimòdi tót i sà,
sa quèla cus ch’us fà.
E’ sanzvéš l’è e’ vèin,
che sà tótt e’ casca béin,
e us capès pu la rašòun,
ènca ad stà bèla pasiòun.
I sardun is fà aròst,
se fugòun te mòd gióst,
e’ sarja guaši un délét,
cošie alès o fèi frét.
Cum ch’is fà al pòs dì mè,
dazà ch’ò imparè,
da la mi cusèina Pia,
granda còga tna traturia.
Ui si chèva via la tésta,
e te chèš che l’agrésta,
via e’ past e la budèla,
sa dó dédi o la curtèla.
Pu is léva sl’aqua e sèl,
ui vurja quèla d’ mèr,
mo bšägna cuntèntès,
tènimèdi us trata ad pès.
Dòp is mèt s’un canàvàz,
e is tampòuna sè straz,
quand j’è sót us capéss,
che ènca e’ péss us cundès.
Òglie, pévur e pòc sèl,
gnint udur per nu arvinèl,
sna un po’ d’ pèn gratušèd
sèinza èss èšagèrèd.
Zà prima da cošie aròst,
i sardun is mèt apòst,
sistèmèd a pènza insó,
incrušèd a dó per dó.
E pu via sla gradèla
sóra e’ fóg dla carbunèla,
quand l’è tóta burniša,
perché isé in si bruša.
Una bòta ad qua e d’là
zinc minut ch’jè zà ‘sa,
is tò só a scòtadéda
e i va tramèz la pièda.
E tótt quèst béin intès,
us cumpagna sè sanzvéš,
la duvuda bindiziòun,
per pièda e’ sardòun.
Ivano Aurelio Muratori
I SARDONI, CHE PASSIONE!
I riminesi hanno la passione,/ e della gnocca, e del sardone,/ e del sangiovese, e della piada,/ tutta roba prelibata.
La gnocca, per riguardo,/ è meglio lasciarla perdere,/ tanto tutti sanno,/ con quella cosa si fa.
Il sangiovese è il vino,/ che con tutto cade bene,/ e si capisce poi la ragione,/ anche di questa bella passione.
I sardoni si fanno arrosto,/ sul fuocone, nel modo giusto,/ sarebbe quasi un delitto,/ cuocerli al lesso o farli fritti.
Come si fanno lo posso dire io,/ diggià che ho imparato,/ dalla mia cugina Pia,/ grande cuoca in una trattoria.
Ci si cava via la testa,/ e nel caso che disturbi,/ via il pasto e le budella,/ con le dita o il coltello.
Poi si lavano con acqua e sale,/ ci vorrebbe quella del mare,/ ma bisogna accontentarsi,/ tanto si tratta di pesce.
Dopo si mettono su un canovaccio,/ e si tamponano con lo straccio,/ quando sono asciutti si capisce,/ che anche il pesce si condisce.
Olio, pepe, e poco sale,/ niente odori per non rovinarlo,/ solo un po’ di pane grattugiato,/ senza essere esagerati.
Già prima di cuocerli arrosto,/ i sardoni si mettono tutti a posto,/ sistemati a pancia in su,/ incrociati a due per due.
E poi via con la gratella,/ sul fuoco della carbonella,/ quando è cenere ardente,/ perché così non si bruciano.
Una botta di qua e di là,/ cinque minuti sono abbastanza,/ si prendono su a scottadito,/ e vanno in mezzo alla piada.
E tutto questo ben inteso,/ si accompagna col sangiovese,/ la dovuta benedizione,/ per piada e sardoni.
