Quand ch’a sarò té camsènt,
vnìm a truvè dògnitènt,
möj e fiul, anvùd, cugnèd,
nu lasém abandunèd.
A se dém zà per intèš,
ch’am purtarì qualche bèš,
un gèst ch’um darà cunfòrt,
ènca dòp ch’a sarò mòrt.
Stè tranquèl ch’a v’aspèt,
am truvarì int e’ lèt,
ch’im fàrà säta la tèra,
e s’avnì avrò chèra.
Bènché an vi pòsa véda,
a la farém ‘na ciacarèda,
da d’ilé an putró dì gnint,
a farì finta ch’av sint.
Vnìm a dì cumè ch’a stè,
e quèl ch’a sì dré a fè,
cum ch’i stà i nòst burdèll,
cum ch’i cres e s’jè bèl.
Quand che sarà pòra mè,
a n’avrò da bazilè,
nu purtèm pèini e dulur,
e’ basta un maz ad fiur.
Tulii te nòst zardèin,
mèj di tótt i ciclamèin,
epù qualche bèla ròša,
da mèt tachèd ma la cròša.
Vnìm a dì ènca da mòrt,
cum ch’l’è e’ mi òrt,
se la vardura la crès,
s’ai dè l’aqua spèss.
Racuntèm dal ròbi bèli,
ch’avrò chèra da savèli,
e an mi farì nisun tòrt,
sa fè finta ch’an sia mòrt.
Ivano Aurelio Muratori
FATE FINTA CHE NON SIA MORTO!
Quando sarò nel camposanto,/ venitemi a trovare ognitanto,/ moglie e figli, nipoti e cognati,/ non lasciatemi abbandonato.
Ci diamo già per inteso,/ che mi porterete qualche bacio,/ un gesto che mi darà conforto,/ anche dopo che sarò morto.
State tranquilli che vi aspetto,/ mi troverete nel letto,/ che mi faranno sotto la terra,/ se ci venite avrò piacere.
Benché non vi possa vedere,/ la faremo una chiacchierata,/ da di lì non potrò dir niente,/ farete finta che vi sento.
Venitemi a dire come state,/ e quello che siete dietro a fare,/ come stanno i nostri bambini,/ come crescono e se son belli.
Quando sarà, povero me!/ Non avrò da preoccuparmi,/ non portatemi pene e dolori,/ basta un mazzo di fiori.
Prendeteli dal nostro giardino,/ meglio di tutti i ciclamini,/ e poi qualche bella rosa,/ da mettere vicino alla croce.
Venitemi a dire anche da morto,/ com’ è il mio orto,/ se la verdura cresce,/ se lo annaffiate spesso.
Raccontatemi delle belle cose,/ che avrò piacere di saperle,/ non mi farete nessun torto,/ a far finta che non sia morto.
