Per San Martèin da e’ Mantèl,
us rénd umag me vèin nuvèl,
me Sanzvéš che grazie a e’ sènt,
l’è un vèin ašà impurtènt.
L’è curpòš tänd e bòn,
e in réz e’ paragòun,
vèin cumè e’ Bardulèin,
e e’ Muschèd ad San Marèin.
Iqué as truvém dimpèt,
m’un vèin ad tót rispèt,
l’è nòbil sicuramèint,
e l’à énca e’ nóm da sènt.
Il fèva zà in Rumagna,
quand la éra tóta campagna,
in tèimp luntèn luntèn,
per dél da bé mi Rumèn.
L’è un vèin da intènditur,
e’ masim per i bevidur,
e per tót quii chi vò bé,
da per sé o sè somégliè.
L’è un vèin da mèditaziòun,
mo us pò bè fašènd claziòun,
at chèša, tl’ustèria,
quand t ariv e t vè via.
L’è un vèin per ògni zét sucièl,
per i sgnur, per i rurèl,
per i lavuradur, i cumercènt,
per chi e’ bé pòc o tènt.
L’è un vèin che dà sudisfaziòun,
e ch’ ut lasa e’ palèd bòn,
un vèin só, un dà e’ reflòs,
e ad quèst ch’ui ne fòs.
Ivano Aurelio Muratori
ELOGIO DEL SANGIOVESE
Per San Martino dal mantello,/ si rende omaggio al vino novello,/ al Sangiovese che grazie al santo,/ è un vino assai importante.
È corposo, tondo e buono,/ e non reggono il paragone,/ vini come il Bardolino,/ e il Moscato di San Marino.
Qui ci troviamo davanti,/ a un vino di tutto rispetto,/ è nobile sicuramente,/ e ha anche il nome da santo.
Lo facevano già in Romagna,/ quando era tutta campagna,/ in tempi lontani lontani,/ per darlo da bere ai Romani.
È un vino da intenditori,/ il massimo per i bevitori,/ e per tutti quelli che voglio no bere,/ da soli o còl sommelier.
È un vino da meditazione,/ ma si può bere facendo colazione,/ in casa, nell’osteria,/ quando arrivi o vai via.
È un vino per ogni ceto sociale,/ per i signori, per i rurali,/ per i lavoratori, per i commercianti,/ per chi beve poco o tanto.
È un vino che dà soddisfazione,/ e che ti lascia il palato buono,/non viene su, non dà il reflusso,/ e di questo ce ne fosse!
