Ehh quant arcòrd ch’ò mè!
Ai tèng te còr ciuš ilé,
e quand ch’ im sèlta t’jèćc,
ai véd cumè int un spèć.
E’ sachèt dla sapunina,
e’ scupèt, la varachina,
la mi ma’ ch’lam lavéva
al gambi spòrchi d tèra.
E pu e’ bagn int la mastèla,
mè e dòp la mi surèla,
e tl’acqua incóra bòna,
las lavèva i pid la nòna.
E’ lat che la matèina,
e’ buliva tla cušèina,
e’ cafè fat sla Vèchina,
la cótma sèimpre pina.
Ò tla mèint e’ mi nón,
che da spès per fèm stè bòn,
um tulèva un “murèt”,
e’ gelato te batèc.
E la mi ma’, ‘na sartóra,
a la véd òz cume alóra,
a pasè la nòta in pìd,
per cuši qualche vistìd.
A m’arcòrd la zambèla,
e’ panèin sla murtadèla,
i fru fru, i frutin Zuègg,
e l’òv frès-c busèd sl’èg.
I vistid scap ad misura,
al scherpi sl’arsuladura,
zòcle ad lègn, sandul da frè,
cum ch’am calzéva mè.
La biciclèta da dòna,
un rigal dla mi nòna,
ènca la mi surèla,
la duvéva fè sa quèla.
A m’arcòrd de carèt,
dla sfrómbla, de s-ciupèt,
di zézul, dl’aquilòun,
e dal partidi se palòun.
Ò int jèćć la mi cartèla,
ad cartòun miga ad pèla,
sla canèta e du tré pnèin,
chèrtasuga e piturèin.
An mi pòs zcurdè miga
i prim calzun lóng sla piga,
surtid dal mèni dla mi ma’,
quand ch’ò vù ‘na zèrta ètà.
Un ènt arcòrd ch’um rèsta,
jè i punt ch’ò tla tèsta,
i m’jà dè te pròunt sucórs,
quand ma quèl a fèva ricòrs.
Ivano Aurelio Muratori
EHH QUANTI RICORDI HO IO!
Ehh quanti ricordi che ho io!/ Li tengo nel cuore chiusi lì,/ e quando mi saltano agli occhi,/ li vedo come in uno specchio.
Il sachetto della saponina,/ lo scopetto, la varecchina,/ mia mamma che mi lavava,/ le gambe sporche di terra.
E poi il bagno nel mastello,/ io e dopo mia sorella,/ e nell’acqua ancora buona,/ si lavava i piedi la nonna.
Il latte che la mattina,/ bolliva nella cucina,/ il caffè fatto con la Vecchina,/ la cuccuma sempre piena.
Ho in mente mio nonno,/ che spesso per farmi star buono,/ mi prendeva un “moretto”,/ il gelato nel bastoncino.
E mia mamma, una sarta,/ la vedo oggi come allora,/ a passare la notte in piedi,/ per cucire qualche vestito.
Mi ricordo la ciambella,/ il panino con la mortadella,/ i fru-fru, i fruttini Zuegg,/ e l’uovo fresco bucato con l’ago.
I vestiti usciti di misura,/ le scarpe con la risuolatura,/ zoccoli di legno, sandali da frate,/ come calzavo io.
La bicicletta da donna,/ un regalo di mia nonna,/ anche mia sorella,/ doveva fare con quella.
Mi ricordo del carretto,/ della fionda, dello schiopetto,/ delle palline, dell’aquilone,/ delle partite a pallone.
Ho negli occhi la mia cartella,/ di cartone, non di pelle,/ con la cannetta e due o tre pennini,/ carta assorbente e i pitturini.
Non mi posso dimenticare mica,/ i primi pantaloni lunghi con la piega,/ fatti dalle mani di mia mamma,/ quando ho avuto una certa età.
Un altro ricordo che mi resta,/ sono i punti che ho in testa,/ me li hanno dati al pronto soccorso,/ quando a quello facevo ricorso.
