E’ diš e’ tór ma la vaca:
purèina tam per straca,
an ti vég incóra pròunta,
per dè via ma la mòunta.
T šbarlòć e tam guèrd,
cuš’è che t’è da pèrd,
ta n’avrè ciap paura,
a védme sla fèva fóra?
Fà la brèva, mètte in pöša,
fénz d’ès la mi muròša,
mette ilé zirata ad schina,
e nu fa la birichina.
Im dà un tènt a la bòta,
e sa tè an pòs fé nòta,
ui n’è dièš ch’agl’jaspèta,
dat ‘na mòsa, só dam rèta.
La vaca l’arspònd me tór:
ignurènt cumè che t zcór?
ta me ciap per ‘na putèna?
An sò miga una munghèna!
T an véd ch’a sò ‘na vaca,
dai smèt da fè e’ pataca,
sèinza una muliga d’còrta,
an tla dag gnènca mòrta.
A vèj un turél ch’um strésa
ch’um vòja béin, ch’um lésa,
s’un gni mèt sentimèint,
an faz l’acupiamèint.
Prima incóra da muntè,
mè am sò da inamurè,
tènimòdi ènca un tór,
e’ sà cus ch’l’è l’amór.
Alóra e’ tór per s-ciantèla,
ui diš: sè tci la mi bèla,
dìm che mè a sò e’ tu bél
ch’at faz fè sòbti un vidèl.
Ivano Aurelio Muratori
IL TORO E LA VACCA
Dice il toro alla vacca:/ poverina mi sembri stanca,/ non ti vedo ancora pronta,/ per dar via alla monta.
Sbirci e mi guardi,/ cosa c’hai da perdere,/ non avrai preso paura,/ nel vedermi con la fava fuori?
Fa la brava, mettiti in posa,/ fingi di essere la mia morosa,/ mettiti lì girata di schiena,/ e non fare la birichina.
Mi danno un tanto alla botta,/ e con te non posso far notte,/ ce ne sono dieci che aspettano,/ datti una mossa su dammi retta.
La vacca risponde al toro:/ ignorante come parli?/ mi hai preso per una puttana?/ non sono mica una mucca.
Non vedi che sono una vacca,/ dai smetti di fare il pataca,/ senza un po’ di corte,/ non te la dò nemmeno morta.
Voglio un torello che mi strisci,/ che mi voglia bene che mi lisci,/ se non ci mette sentimento,/ non faccio l’accoppiamento.
Prima ancora di montare,/ io mi devo innamorare,/ tanto anche un toro,/ sa cos’è l’amore.
Allora il toro per schiantarla,/ le dice: sì sei la mia bella,/ dimmi che io sono il tuo bello,/ che ti faccio fare subito un vitello.
