E’ surdèin us fà sla bäca,
s’ jabri mòll ch’ is tóca
sè fjè ch’ui fà trimè,
cmè quand u s’ à da scurzè.
U n’à né pòza né udór,
e’ fà sna de gran rumór,
prrr prrr prrr, e’ ròmba,
cumè e’ són dla trämba.
Quand ch’l’è fat ad èrta,
ui pò stè da ògni pèrta,
l’è un gurghègg sè vigór,
de dò d pèt d’un ténór.
Te tèatre e’ surdèin,
l’è per chi un chènta béin,
e l’ariva da e’ lugiòun,
per farmè l’èšècuziòun.
U jè pu e’ surdèin da strèda,
ch’l’è ‘na s-ciarparèda,
una martlèda ch’la zaca,
l’istès che dì’ pataca.
Us fà d règla da mašèd,
t cèm inzgnèr, avuchèd,
e pu tai šmòll e’ surdèin,
e u n’è ch’l’arvènza béin.
L’è un gèst de tót šgarbèd,
ch’u ne fà un òm éduchèd,
una vòlta però us féva,
e la zéinta la ridéva.
S’us fà òz quand us véd,
un nutèri, un’avuchèd,/ un dutór, un’inzgnèra
us ciapa un mèš d galèra.
Ivano Aurelio Muratori
LA PERNACCHIA
Il sordino si fa con la bocca,/ con le labbra molli che si toccano,/ con il fiato che le fa tremare,/ come quando si deve scorregiare.
Non ha né puzza né odore,/ fa solo del gran rumore,/ prrr prrr prrr, romba,/ come il suono della tromba.
Quando è fatto ad arte,/ ci può stare da ogni parte,/ è un gorgheggio col vigore,/ del do di petto di un tenore.
Nel teatro il sordino,/ è per chi non canta bene,/ e arriva dal loggione,/ per fermare l’esecuzione.
C’è poi il sordino da strada,/ che è una sculacciata,/ una martellata che acciacca,/ lo stesso che dire patacca.
Si fa di regola da nascosto,/ chiami ingegnere, avvocato,/ e poi gli molli il sordino,/ e non è che rimanga bene.
È un gesto del tutto sgarbato,/ che non lo fa un uomo educato,/ una volta però si faceva,/ e la gente rideva.
Se si fa oggi quando si vede,/ un notaio, un avvocato,/ un dottore, un’ ingegnera,/ si prende un mese di galera.
