E’ sól e’ sórz tót i dé,
si na e’ gal un pò cantè,
al galèini lin féda,
e purtròp adìo zurnèda.
Ló e’ mòunta só te zél,
cumè un gat se davanzél,
e quand ch’ l’è ilasó,
e’ manda i sprai iquazó.
Se maj un dé un scapès fóra,
quand ch’l’è la su óra,
s’un si véd ilasó,
da e’ lét chi s’élza pjó?
Quii ch’jè sla palèda,
per aspitè l’alvèda,
is dmandaria perché,
e sól che dé un gn’è!
Na dmanda sèinza rispòsta,
vòt ch’u l’ava fat apòsta!
l’à fat in cla matèina
la fèin dla lampadèina.
Mo e’ sól un s’ pò cambiè,
un si savria cume fè,
e’ rimèdie de muméint:
fè la luša si furminèint.
Che dé che e’ sól us šmòrta,
e’ saria ‘na bròta sòrta,
un bastaria sufièi sóra,
per fél risplènd incóra.
E’ Signór, ma Ló piašènd,
ul putria ènca riazènd,
bšägna stè da véda,
e prighè ch’un suzèda.
Ivano Aurelio Muratori
IL SOLE SORGE TUTTI I GIORNI
Il sole sorge tutti i giorni,/ se no il gallo non può cantare,/ le galline non possono deporre,/ e purtroppo addio giornata.
Lui sale su nel cielo,/ come un gatto sul davanzale,/ e quando è lassù,/ manda i raggi quaggiù.
Semmai un giorno non uscisse fuori,/ quando è la sua ora,/ se non si vede lassù,/ dal letto chi si alza più?
Quelli che sono sulla palata,/ per aspettare la levata,/ si domanderebbero perché,/ il sole quel giorno non c’è!
Una domanda senza risposta,/ vuoi che l’abbia fatto apposta!/ Ha fatto quella mattina la fine della lampadina.
Ma il sole non si può cambiare,/ non si saprebbe come fare,/ il rimedio del momento,/ far luce coi fiammiferi.
Quel giorno che il giorno si spegne,/ sarebbe una brutta sorte,/ non basterebbe soffiarci sopra,/ per farlo risplendere ancora.
Il Signore a lui piacendo,/ lo potrebbe anche riaccendere,/ bisogna stare a vedere,/ e pregare che non succeda.
