Ma la mi möj ai vòj béin,
adès per San Valèntèin,
un rigal agl’jò da fè,
che sina ò da ragnè.
S’ai dmand cuš t vò?
Lam diš sòbit a ne sò!
Tèninòdi e’ mi téšór,
la va mata per l’òr.
Mo st’an us vòla bas,
sl’aumént d luša e gas,
sl’inflaziòun ch’la cór,
un gni scapa ènca l’òr.
S’ai rigal un maz d fiur,
al sò zà e a sò sicur,
ch’lai pòrta te camsènt,
a pèrta ch’i còsta tènt.
Un péra d scherpi bòni,
ideèli per al dòni,
l’è ‘na cativa idèa,
la sli còmpra da par léa.
S’ai tòg na bèla maja,
u j’è mòdi ch’am šbaja,
o e’ culór o la mišura,
cuntèntèla la è dura.
S’ai tòg un règipèt,
lal ciapa cume dispèt,
léa lal vò fat su misura,
e sna bòna imbutidùra.
A la fèin a faz prima,
ai rigalei i Baci Perugina,
ai mèt ‘na ròša e un bèl còr,
sla scrèta t ci e’ mi amór.
Ivano Aurelio Muratori
IL REGALO DI SAN VALENTINO
A mia moglie voglio bene,/ adesso per San Valentino,/ un regalo glielo devo fare,/ che se no devo litigare.
Se le chiedo cosa vuoi?/ Mi dice subito non lo so!/ In ogni modo il mio tesoro,/ va matta per l’oro.
Ma quest anno si vola basso,/ con gli aumenti di luce e gas,/ con l’inflazione che corre,/ non ci scappa anche l’oro.
Se le regalo un mazzo di fiori,/ lo so già e son sicuro,/ che li porta al cimitero,/ a parte che costano tanto.
Un paio di scarpe buone,/ideali per le donne,/ è una cattiva idea,/ se le compra da sola.
Se le prendo una bella maglia,/ c’è modo che mi sbagli,/ o il colore o la misura,/ accontentarla è dura.
Se le prendo un reggipetto,/ lo prende come dispetto,/ lei lo vuole fatto su misura,/ con una buona imbottitura.
Alla fine faccio prima,/ a regalarle i Baci Perugina,/ ci metto una rosa e un bel cuore,/ con la scritta sei il mio amore.
