A sò e’ caplét chèr amig,
e se vujèlt an si zig,
s’am vidì piutòst bèin,
nu ciapèm per un turtlèin.
Nu fašim miga e’ dispèt,
da non arcnòs e’ caplèt,
s’as cridì uguèl,
uv téca mèt só jucèl.
Fè chès ma la difèrèinza,
ch’ui n’è pjó che abastènza,
nu magnè sla tèsta té sac,
che per mè e’ saria un šmàc.
E’ turtlèin simbèin bèl,
dré mè l’è un burdèl,
e in giósta prupurziòun,
mè a sò gros com un òm.
L’è d Bulogna, al rispèt,
mo a jè tròv qualche difèt:
mè bèl gròs e ló znin znin,
ló mèz švóit, mè bèl pìn.
Ló l’è una caramèla,
ad parsót e murtadèla,
mè sla fòrma de maròun,
ad chèrna e’ furmaj bòn.
U jè una difèrèinza,
zà che mè ò pjó sustènza,
perché da un caplet ui vèin,
pjò d’un pèra ad turtlèin.
L’è quèsta in cunclušiòun,
la fundamèntèla rašòun,
a déta ad chi ch’um magna,
ch’a sò e’ rè dla Rumagna.
E’ pò dès che mè e e’ turtlèin,
a séma dó cušèin,
tènimòdi ènca ló,
l’à d’avè de sangue bló.
Ivano Aurelio Muratori
IL RE DELLA ROMAGNA
Sono il cappelletto cari amici,/ e se voi non siete ciechi,/ se mi vede pittosto bene,/ non prendetemi per il tortellino.
Non fatemi mica il dispetto,/ di non riconoscere il cappelletto,/ se ci credete uguali,/ vi tocca metter su gli occhiali.
Fate caso alla differenza,/ che ce n’è più che abbastanza,/ non mangiate con la testa nel sacco,/ che per me sarebbe uno smacco.
Il tortellino sebbene bello,/ vicino a me è un bambino,/ e in giusta proporzione,/ io sono grosso come un uomo.
È di Bologna, lo rispetto,/ ma glielo trovo qualche difetto:/ io bello grosso, lui piccolo piccolo,/ lui mezzo vuoto, io bello pieno.
È una caramella,/ di prosciutto e mortadella,/ io con la forma del marrone,/ di carne e di formaggio buono.
C’é una differenza,/ già che io ho più sostanza,/ perché da un cappelletto ci vengono,/ più di un paio di tortellini.
È questa in conclusione,/ la fondamentale ragione,/ a detta di chi mi mangia,/ che sono il re della Romagna.
Può darsi che io e il tortellino,/ siamo due cugini,/ tanto anche lui,/ deve avere del sangue blu.
