Un bon gal e’ mèt in cér,
d’ès e’ rè de pulèr,
e al galèini agl’j’è,
tóti in fila per di sé!
Al stà a dispusiziòun,
de gal che fà e’ padròun,
isé quand ch’e’ vò muntè,
u n’à gnènca da paghè.
Tènimòdi e’ cmanda ló,
e’ pò’ fè cum che vò,
sl’à vojà l’è servid,
ringraziéd e rivèrid.
Ló e’ fà e’ su duvér,
in fin di cunt l’è un bér,
e quand ch’l’è in vèina,
un fà una vintéina.
E’ gal pr’ e’ Rumagnòl
l’è pòc mènc d’un fiól,
i s’asurmèja una masa,
i fà lègna du ch’i pasa.
Ui sarà pu una rašòun,
se te stèma dla Règiòun,
la cavèja, sè räs e e’ zal,
u jè furgèd un gal.
Un gn’è bšägn da indvinè,
perché adès a ve dég mè,
una vòlta i Gal Senun,
j stanzièva iquè da nun,
e j’avéva sla tèsta,
al péni ad gal cume crèsta,
l’infèzna l’è quèla,
e isé a vòj racuntèla.
Ivano Aurelio Muratori
IL RE DEL POLLAIO
Un buon gallo mette in chiaro,/ di essere il re del pollaio,/ e le galline sono,/ tutte in fila per dire sì.
Sono a disposizione,/ del gallo che fa il padrone,/ così quando vuol montare,/ non deve neanche pagare.
Tanto comanda lui,/ può fare come vuole,/ se ha voglia è servito,/ ringraziato e riverito.
Lui fa il suo dovere,/ in fin dei conti è un birro,/ e quando è in vena,/ ne fa una ventina.
Il gallo per il romagnolo,/ e poco meno di un figlio,/ si assomigliano molto,/ e fanno legna dove passano.
Ci sarà pure una ragione,/ se nello stemma della Regione,/ la cavèja col rosso e il giallo,/ c’è forgiato un gallo.
Non c’è bisogno di indovinare,/ perché adesso ve lo dico io./ Una vòlta i Galli Senoni,/ stanziavano qui da noi,
E avevano sulla testa,/ le penne di gallo come cresta,/ l’immagine è quella,/ e così la voglio raccontare.
