La mi nòna e’ pulèr,
lal tnìva cmè un altèr,
e la curèva al galèini,
cmè dal véri sgnurèini.
I pól purtròp jè mès,
ch’i chèga mòlt da spès,
mo per léa l’éra un duvèr,
arcòj só tót che mardèr.
E’ pulèr lal puliva,
s’una mèna d’calce viva,
per mandè via de sit,
tótt i bdòć e i parasit.
Al galèini la li tastéva,
per savè quant òvi al féva,
la capiva mede tat,
se l’uvìn l’éra zà fat.
Mi pól lai vléva béin,
lai tirèva só da znèin,
pi-pi-tà, lai géva isé,
quand lai déva da magnè.
Per lór u jéra e’ grèn,
sla trida d’èrba e’ pèn,
e’ rèmul, e’ furmantòun,
e dògnitènt e’ pastòun.
Dòp dal sé, prima dal sèt,
lai mitéva tótt a lèt,
prima da ciud la capana,
lai cantéva la ninanana.
Léa cumè un carabignér,
la badèva me su pulèr,
che al galèini j gli rubèva,
al zéng-ni cal pasèva.
Ènca i chèn i stéva ilé,
j vlèva i pól da magnè,
e léa sla spazadura,
la zirchèva d fèi pavura.
Quand j’à fat ciud i pulèr,
per pulì tótt i quartiér,
la mi nòna la è stè mèl,
l’à fat dièš dé d’uspidèl.
Ivano Aurelio Muratori
IL POLLAIO DI MIA NONNA
Mia nonna il pollaio,/ lo teneva come un altare,/ e curava le galline,/ come delle vere signorine.
I polli purtroppo sono messi,/ che cagano molto spesso,/ ma per lei era un dovere,/ raccogliere tutto quel merdaio.
Il pollaio lo puliva,/ con una mano di calce viva,/ per mandar via da quel sito,/ tutti i pidocchi e i parassiti.
L’è galline le tastava,/ per sapere quante uova facevano,/ e capiva dal tatto,/ se l’ovino era fatto.
Ai polli ci voleva bene,/ li tirava su da piccoli,/ pi-pi-tà gli diceva cosí,/ quando dava loro da mangiare.
Per loro c’era il grano,/ con la trita di erba e pane,/ la crusca, il granturco,/ e ognitanto il pastone.
Dopo le sei, prima delle sette,/ li metteva tutti a letto,/ e prima di chiudere la capanna,/ cantava loro la ninnananna.
Lei come un carabiniere,/ badava il suo pollaio,/ che le galline gliele rubavano,/ le zingare che passavano.
Anche i cani stavano lì,/ volevano i polli da mangiare,/ e lei con la scopa,/ cercava di far loro paura.
Quando han fatto chiudere i pollai,/ per pulire tutti i quartieri,/ mia nonna è stata male,/ ha fatto dieci giorni d’ospedale.
