E’ pivarunzin pichènt
mè al mèt da tót i chènt,
um pièš sintì che pizgór,
bòn da dè fòrza e vigór.
Mè a dròv che putéint,
che calbréš ch’l’è buléint,
i me manda se curiér,
e l’è mèj de pévur nér.
An mi cuntèint d’un pizghin,
ai ni mèt di cuciarin,
s’un bénéfizie tutèl,
che sint ènca e’ mi fradèl.
A dvèint ras com e’ pumidòr,
um fà bat pjó fòrt e’ còr,
um manda só la prèsiòun,
um dà ‘na gran écitaziòun.
Sa dal vampèdi ad calór,
ch’lim fà grundè d sudór,
tènimòdi e pivarunzèin,
um fà stè sna che béin.
Um bruša ‘d bäca e e’ va zó,
quand l’ariva ma chi dó,
ui fà frèz cmè i bumbulun,
simbèin ch’i sia i mi marun.
E’ mi fradèl per réaziòun,
us fà sintì s’u n’èreziòun,
mè de fat an mi vargägn,
e de viagra an n’ò bšägn.
A vag avènti sa quèl ch’ilé,
un pèra ad dòši e’ dé,
òrmai mè e e’ i fradèl,
a dipèndém purtròp da quèl.
Ivano Aurelio Muratori
IL PEPERONCINO PICCANTE
Il peperoncino piccante,/ io lo metto da tutte le parti,/ mi piace sentire quel pizzicore,/ capace di dare forza e vigore.
Io adopero quello potente,/ quello calabrese che è bollente,/ me lo mandano col corriere,/ ed è meglio del pepe nero.
Non mi accontento di un pizzichino,/ ce ne metto un cucchiaino,/ con un beneficio totale,/ che sente anche mio fratello.
Divento rosso come il pomodoro,/ mi fa battere forte il cuore,/ mi manda su la pressione,/ mi dà un gran eccitazione.
Con delle vampate di calore,/ che mi fanno grondare di sudore,/ tanto il peperoncino,/ mi fa stare solo che bene.
Mi brucia in bocca e va giù,/ quando arriva a quei due,/ li fa friggere come i bomboloni,/ sebbene che siano i miei marroni.
Mio fratello per reazione,/ si fa sentire con una erezione,/ io del fatto non mi vergogno,/ e del viagra non ne ho bisogno.
Vado avanti con quello lì,/ un paio di dosi al giorno,/ ormai io e mio fratello,/ dipendiamo purtroppo da quello.
