Ò dét ma la mi sgnóra,
òz un s’va a magné fóra,
e’ piòv a stém at chèša,
té métte pu e’ cór in péša.
L’è un còuntratèimp,
la cólpa l’è de tèimp,
sla piòva té tal sè,
ch’a faz fadiga a guidè.
Ad chèša a s’arpunsém,
vót savè pu cus ch’a fém?
mè ò un libre da lèz,
té un chél ad pès da fréz.
La m’à dét: bèl giudizie!
at faz la dòna ad sèrvizie,
a lavór tótt i sé dé,
e la dmènga at sèrv ma té.
Che pu t’è la prètéša,
da dì: òz a stém ad chèša,
tan ti scról e tan ti mòv,
perché ad fóra e’ piòv!
A jò arspòst bèin zantil,
s’ta ne vòja alóra dìl,
se t at crèd fóra urèrie,
at pèg e’ straurdinèrie.
Nu dìm ch’am n’aprufèt,
per fét fè du tré pés frét,
tènimòdi té tal sè,
che a mèzdè ém da magnè.
La m’à dét séria séria,
ch’a sò pin ad cativéria,
ch’a sò un malèduchèd,
ch’la va té sindachèd.
A jò duvù dè rašòun,
ch’an vòj la rivòluziòun,
sè sindached int e’ mèz,
sna perché léa lan vò fréz.
E per cum ch’am la sò vésta,
ò ciamè sóbti un tasèsta,
via drét té risturènt,
ch’an sò miga un ignurènt!
Ivano Aurelio Muratori
PIOVE, STIAMO IN CASA!
Ho detto alla mia signora,/ non andiamo a mangiare fuori,/ piove, stiamo in casa,/ mettiti pure il cuore in pace.
È un contrattempo,/ la colpa è del tempo,/ con la pioggia tu lo sai,/ che faccio fatica a guidare.
A casa ci riposiamo,/ vuoi sapere poi cosa facciamo?/ io ho un libro da leggere,/ tu un chilo di pesce da friggere.
Mi ha detto: bel giudizio!/ ti faccio la donna di servizio,/ lavoro tutti i sei giorni,/ e la domenica servo te.
Che poi hai la pretesa,/ di dire oggi stiamo in casa,/ non ti scuoti e non ti muovi,/ perché di fuori piove!
Le ho risposto ben gentile,/ se non hai voglia allora dillo,/ se ti credi fuori orario,/ ti pago lo straordinario.
Non dirmi che me ne approfitto,/ per farti fare due tre pesci fritti,/ tanto tu lo sai,/ che a mezzogiorno dobbiamo mangiare.
Mi ha detto seria seria,/ che son pieno di cattiveria,/ che sono un maleducato,/ e che va al sindacato.
Le ho dovuto dar ragione,/ che non voglio la rivoluzione,/ col sindacato nel mezzo,/ solo perché lei non vuol friggere.
E per come me la son vista,/ ho chiamato subito un tassista,/ via dritto al ristorante,/ che non son mica un ignorante!
