Mè me mèr ai dag de té,
ènca ló ul fà sa mè,
as cnusém da burdèll,
e a sém cumè dó fradèl.
Quel ch’ai dég ló ul capès,
sèinza urèci e’ sint listès,
e’ sarà per intuiziòun,
mo u j’ariva per dabòn.
L’ è capézi d zcär,
sà gl’jändi ch’e’ fá cór,
ch’al fà surtì una vóša,
per dì sèimpre qualcosa.
E’ pò dès, ch’ ènca ló,
l’ava un’alma, se e’ pò,
us capès da e’ muvimèint,
intènimòdi surprèndèint.
Uš pò véda de culór,
cum che cambia d’umór,
se vardin l’è cuntèint,
vardòun l’è furéint.
An gni dmand cmè che stà,
s’un’ucèda al vèd zà,
s’l’è mès ad travèrs,
ad zcörie un gn’è vèrs.
Però sl’è in zurnèda,
as fašém ‘na ciacarèda,
e quèl ch’as gém tra d’nun,
u ne pò savè nisun.
E’ suzèd ènca ma ló,
che dal vòlti un ne pò pjó,
e’ säfia, se pòrt e’mòunta,
e’ luta sinènt che vòunta.
Quand ch’us mèt a fè isé,
um dispièš, a tòrne indré,
un si pò pjó ragiunè,
bšägna sna lasèl stè.
A las pasè dó tré dé,
epù dòp artòrne ilé,
ló un sla ciapa miga,
un fa gnènca ‘na piga.
La su la n’è ‘na reša,
l’à vòja ad fè la pèša,
e listès l’è per mè,
ai faz sòbit sègn ad sè.
Me mi fradèl am pèrmèt,
dògnitènt da dei un cichèt,
dòp tót u s’amócia,
sa ló ch’u s’acòcia.
Ivano Aurelio Muratori
IL MARE, UN FRATELLO!
Io al mare gli dò del tu,/ anche lui lo fa con me,/ ci conosciamo da bambini,/ e siamo come due fratelli.
Quello che gli dico lui lo capisce,/ senza orecchie sente lo stesso,/ sarà per intuizione,/ ma ci arriva per davvero.
È capace di parlare,/ con le onde che fa correre,/ che fanno uscire una voce,/ per dire sempre qualcosa.
Può darsi, che anche lui,/ abbia un’anima, se può,/si capisce dai movimenti,/ in ogni caso sorprendenti.
Si può vedere dal colore,/ come cambia di umore,/ col verdino è contento,/ verdone è furente.
Non gli chiedo come sta,/ che con un’occhiata vedo già,/ se è messo di tra- verso,/ di parlargli non c’è verso.
Però se è in giornata,/ ci facciamo una chiacchierata,/ è quello che ci diciamo noi,/ non lo può sapere nessuno.
Succede anche lui,/ che a volte non ne può più,/ soffia, sul porto monta,/ e continua fin che vonta.
Quando si mette a far così,/ mi dispiace torno indietro,/ non si può più ragionare,/ bisogna solo lasciarlo stare.
Lascio passare due tre giorni,/ e poi dopo ritorno lì,/ lui non se la prende mica,/ non fa neanche una piega.
La sua non è una resa,/ ha voglia di far la pace,/ e lo stesso è per mè,/ gli faccio subito segno di sì.
A mio fratello mi permetto,/ ogni tanto di dargli un cicchetto,/ dopo tutto si ammucchia,/ con lui che si accuccia.
