L’instèda l’è finida,/ e la spiagia l’è pulida,/ sèinz’umbrilun e brandini,/ ciuš i bar e al gabini.
U j è arvènz sna i cuchèl,/ ch’in tròva pèša invèl,/ i švulaza avénti e indré,/ e i s’adana per magnè.
Te mèr un gn’è alma viva,/ sna qualcun che sla riva,/ e’ va a canèll e a puraza,/ a gubùn tl’aqua giaza.
U jè di chèn ch’i va a vajùn,/ sèinza guinzàj, sèinza padrun,/ tra al gabini i murušin,/ i s’abraza e is dà i bašin.
Mè ch’a sò da per mè,/ an stag ilé a guardè,/ ò e’ mèr d’an dè a véda,/ per fè inséin ‘na camnèda.
Säta un zél d ‘na bèlèza,/ ciarghèt, culòr tristèza,/ ló vérdòun e spumòš,/ l’è a dì pòc maravigljòš.
A m’arèst d’impèt la riva,/ per véda gl’jändi ch’al gl’jariva,/ e per nu bagnèm i pid,/ ai sèlt sóra e a li scavid.
A sint e’ mèr che ragna,/ forse e’ vò ch’am bagna,/ ènca ló cume mè,/ l’à piašèr da zughè.
Ivano Aurelio Muratori
L’estate è finita,/ e la spiaggia è pulita,/ senza ombrelloni e brandine,/ chiusi i bar e le cabine.
Ci sono rimasti solo i gabbiani,/ che non trovano pace,/ svolazzano avanti e indietro,/ e si dannano per mangiare.
Nel mare non c’è anima viva,/ solo qualcuno che sulla riva/ va a cannelli e a vongole,/ chinato nell’acqua ghiaccia.
Ci sono dei cani che vanno in giro,/ senza guinzaglio, senza padroni,/ tra le cabine i morosini,/ si abbracciano, si danno i bacini.
Io che sono da solo,/ non sto lì a guardare,/ ho il mare d’an- dare a vedere,/ per fare assieme una camminata.
Sotto un cielo di una bellezza,/ grigio, colore tristezza,/ lui verdone e spumoso,/ è a dir poco meraviglioso.
Mi fermo davanti alla riva,/ per vedere le onde che arrivano,/ per non bagnarmi i piedi,/ gli salto sopra e le evito.
Sento il mare che litiga,/ forse vuole che mi bagni,/ anche lui come me,/ ha piacere di giocare.
