‘Na bèla raza d’chèn,
e’ mastéin napulètèn,
‘na gran bèla crèatura,
bèinché e’ faza paura.
L’è un mulòs bèl gruslèin,
prima d tòl pénsèi bèin,
l’è da guèrdia e da difèša,
mo uv pò magnè la chèša.
Da grand l’è un cagnòun,
ch’an putì tnì se balcòun,
l’è bon da saltè zó,
epù dòp ch’ il ciapa pjó?
T un apartamèint znin,
ui stà mèj un barbunzin,
l’é un chèn da cumpagnia,
ch’ un vi pò scapè via.
E’ mastèin un stà invèl,
e’ pèša òlta i sènta chèl,
ma ló ui vò un zardèin,
che sia piutòst grandèin.
Sèinza dì che per magnè,
ui vò dó tré pól e’ dé,
u n’è ‘sà qualche òs,
per sfamè che gran mulòs.
U n’è cumè e’ vulpin,
che magna i crucantin,
ma ló per cavèi la fèma,
l’è sèimpre un prublèma.
E pu dóp u jè la bèga,
da pulì quand e’ chèga,
che sa tótt quèl che magna,
un fà una muntagna.
Mè av las imazinè,
quant ch’us pòsa bazilè,
per còj sò la su caghèta,
ui vò un badil na la paleta.
E mastèin cum ch’us véd,
l’è un chèn èšagèrèd,
mo se ma vujèlt uv pièš
tulìl po e nu fèi chèš.
Ivano Aurelio Muratori
IL MASTINO FA PAURA
Una bella razza di cane,/ il mastino napoletano,/ una gran bella creatura,/ benché faccia paura.
È un molosso bello grosso,/ prima di prenderlo pensateci bene,/ è da guardia e da difesa,/ ma vi può mangiar la casa.
Da grande è un cagnone,/ che non potete tenere sul balcone,/ è capace di saltar giù,/ e poi dopo chi lo prende più?
In un appartamento piccolo,/ ci sta meglio un barboncino,/ è un cane da compagnia,/ che non vi può scappar via.
Il mastino non sta da nessuna parte,/ pesa oltre i sessanta chili,/ a lui gli ci vuole un giardino,/ che sia piuttosto grandino.
Senza dire che per mangiare,/ gli ci vogliono due tre polli al giorno,/ non è abbastanza qualche osso,/ per sfamare quel gran molosso.
Non è come il volpino,/ che mangia i croccantini,/ per toglergli la fame,/ è sempre un problema.
E poi dopo c’è la bega,/ di pulire quando caca,/ che con tutto quello che mangia,/ ne fa una montagna.
Io vi lascio immaginare,/ quanto ci si possa preoccupare,/ per raccogliere la cacchetta,/ ci vuole un badile non la paletta.
Il mastino come si vede,/ è un cane esagerato,/ ma se a voi piace,/ prendetelo pure e non fateci caso.
