La galèina me gal,
lai diš tam ci sèimpre a caval,
fam e’ piašèr šmòunta zó,
ch’a sò pina, an ne pòs pjó.
A sò straca e um täca fè,
un pèra d’òvi e’ dé,
isé mè pataca e nana,
a jò ‘na bèla cundana.
Se pu l’òv a ne faz,
l’azdóra ròmpicaz,
lam sfurgata só sé dèda,
in mòdi ch’a pòsa fèda.
E pu té, rè de pulèr,
t fè sa mè quèl ch’ut pèr,
pjó tam dè, pjó tam stè sóra
pjó tam diš ancóra ancóra.
E’ gal ma la galèina,
ui diš guèrda purèina,
al galèini ch’ò mè,
tòti ch’lim fà cocodè.
A pòs capè cum ch’a vòj,
tan t ci miga la mi möj,
an ti mènc ad riguèrd,
stà bunina e lasa pèrd.
La galèina las scusa,
la diš: ò e’ cul ch’um bruša,
an ti vòj fè incazè,
damne pu fin ch’ui n’è.
A šmèt da fè la ritròša
sicóm ch’ò la balòša,
te pulèr fina ch’ai sò,
quèlc cusina a la tòg só.
Ivano Aurelio Muratori
IL GALLO E LA GALLINA
La gallina al gallo,/ dice mi sei sempre a cavallo,/fammi il piacere scendi giù,/ sono piena, non ne posso più.
Sono stanca e devo fare,/ un paio di uova al giorno,/ così io pataca e nana,/ ho una bella condanna.
Se poi l’uovo non lo faccio,/ l’azdora rompicazzo,/ mi fruga su col dito,/ in modo che possa deporre.
E poi tu, re del pollaio,/ fai con mè quel che ti pare,/ più mi dai, più mi stai sopra,/ più mi dici ancora ancora.
Il gallo alla gallina,/ le dice guarda poverina,/ le galline che ho io,/ che tutte mi fanno coccodè.
Posso scegliere come voglio,/ non sei mica mia moglie,/ non ti manco di riguardo,/ stai bonina e lascia perdere.
La gallina si scusa,/ dice ho il culo che mi brucia,/ non ti voglio fare incazzare,/ dammene pure fin che ce n’è.
Smetto di fare la ritrosa,/ siccome ho la balosa,/ nel pollaio, fin che ci sono,/ qualche cosina la prendo su.
