E’ fig l’è un bel frót,
l’è bòn e e’ pièš ma tótt,
sóra tótt iqué da nun,
du ch’u jè tènt luvaciun.
Ui n’è ad tènti razi,
fighìn, figùn e figazi,
mo fat ógni paragòun,
e’ mèj l’è e’ matalòun.
L’è bel gròs, fat a péra
s’ na boza vérda e néra,
e dréinta cume un fiór,
l’è fat a nid d’amór.
S’un sapòr intrighènt,
‘na masa dòlz e fragrènt,
u t’imbarluchès de gòst,
quest l’è e’ fròt giòst.
Us capès ènca perché,
e’ fig l’arcòrda e’ pché,
l’è fat a pasaròta,
ròba da dèi una bòta.
E’ quand da la bòza,
e’ scapa fóra una góza,
us peinsa in quatre e quatrót,
gnint ad mènc me pasarót.
I fig iquè in Rumagna,
adiritura i s’jaragna,
is ne cunsóma una masa,
tènimòdi j n’ingrasa.
Sia ló che la su sgnóra,
gl’ j’ è ròbi ch’ lis divòra,
un bèl dòun dla natura,
da mantnì sa mòlta cura.
Ivano Aurelio Muratori
IL FICO, UN DONO DELLA NATURA!
Il fico è un bel frutto,/ è buono e piace a tutti,/ soprattutto qui da noi,/ dove ci sono tanti golosi.
Ce ne sono di tante razze,/ fichini, ficoni e ficacci,/ ma fatto ogni paragone,/ il migliore è il matalone.
È bello grosso fatto a pera,/ con una buccia verde e nera,/ e dentro come un fiore,/ e fatto a nido d’amore.
Con un sapore intrigante,/ molto dolce e fragrante,/ ti stordisce dal gusto,/ questo è il frutto giusto.
Si capisce anche perché,/ il fico ricorda il peccato,/ è fatto a passerotta,/ roba da dargli una botta.
E quando dalla buccia,/ esce una goccia,/ si pensa in quattro e quatr’otto,/ niente di meno al passerotto.
I fichi qui in Romagna,/ addirittura se li litigano,/ se ne consumano molti,/ tanto non ingrassano.
Sia lui che la sua signora,/ sono cose che si divorano,/ un regalone della natura,/ da mantenere con molta cura.
