Un pòri šgrazièd sèinza cunfòrt,
s’al ròbi mèssi per e’ travèrs,
che per indrizèli un gn’éra un vèrs,
e’ géva dispèrèd: am bòt te pòrt!
E’ purèt us cunsidèreva pèrs,
e la su tèsta lan gni déva tòrt,
e’ saria sté mej una vòlta mòrt,
ta gl’aqui de mèr andè dispèrs.
Arvàt du che vuléva sla palèda,
sla cunvinziòun d fèla finida,
ui parèva d’avè šbajè strèda.
Us butèva in mèr sl’èria pèntida,
e us déva ma la tèsta una lavèda,
per fè surtì l’idea suicida.
Ivano Aurelio Muratori
IL DISPERATO
Un povero disgraziato senza conforto,/ con le cose messe per traverso,/ che per raddrizzale non c’era verso,/ diceva disperato: mi butto nel porto!
Il poveretto si considerava perso,/ e la sua testa non gli dava torto,/ sarebbe stato meglio una volta morto,/ nelle acque del mare andar disperso.
Arrivato dove voleva sulla palata,/ con la convinzione di farla finita,/ gli sembra va di aver sbagliato strada.
Si buttava in mare con l’aria pentita,/ e si dava alla testa una lavata,/ per far sortire l’idea suicida.
