A sò stè da l’oculésta,
per fè e’ cuntròl dla vésta,
u m’à dét: che calòun!
An capès la rašòun!
Un pò ès sna l’ ètà,
u jè qualcosa ch’un va!
šgänd mè t fè tròp amplès,
che mè ma té at cnäs.
Tènimòdi al zira al vòši,
lin stà zéti al tu muròši,
e quèl ch’al diš ad té,
che t viaz a tré quatre a e dé.
Per fòrza la vésta la bala,
pió tai dé e più la cala,
avènti isé an ti nég,
che t pòsa dvantè zég.
A jò mès un po’ a capì,
quel cl’ intèndèva dì,
a jò dèt: mudestamèint,
a vag fòrt, an mi lamèint.
Sé, an lèz pjó e’ giurnèl,
ch’u n’è sicur un mèl,
per mé e’ saria mòlt pèz,
dèi un po’ mènc per puté lèz.
Ò zà vést l’à dét ló,
t’è un òć ch’un véd pjó,
st’ an ti mèt só jucèl,
tan véd gnènca e’ tu fradèl.
A jò dét: dutór an crèd,
da cl’èlt incór a véd,
e e’ mi fradèl quand a l’ùš,
al tròv té scur e a èćć ciuš.
Mè an sò miga cunvint,
mo va là! pròpie per gnint!
E’ mi nòn ui déva fòrt,
u jà vést sin ch’l’è mòrt.
E’ mi cušèin ch’un gni déva,
a tréntan zà un vidéva,
e sti fat per quant che e’ sia,
i nèga la su teoria.
Dutór purtè pazèinzia,
vó ch’a sí óm ad siénzia,
a cridì ma stal fótti?
Avì jucèl sal lènti ratti!
E alóra s’um permèt,
mè jucèl an mi mèt,
a s’avdèm l’an che vèin,
che per adèss ai vég bèin.
Ivano Aurelio Muratori
IL CONTROLLO DELLA VISTA
Sono stato dall’oculista,/ per il controllo della vista,/ mi ha detto: che calone!/ Non capisco la ragione!
Non può essere solo l’ètà,/ c’è qualcosa che non va!/ Secondo me fai troppi amplessi,/ che io ti conosco.
Tanto girano le voci,/ non st’an zitte le tue morose,/ e quel che dicono di te,/ che viaggi a tre quattro al giorno.
Per fòrza la vista balla,/ più ci dài e più cala,/ avanti così non ti nego,/ che tu possa diventar cieco.
Ci ho messo un po’ a capire,/ quello che intendeva dire,/ gli ho detto: modestamente,/ vado forte, non mi lamento.
Sì, non leggo più il giornale,/ che sicuro non è un male,/ per me sarebbe peggio,/ darci un po’ di meno per poter leggere.
Ho già visto ha detto lui,/ hai un occhio che non vede più,/ se non ti metti su gli occhiali,/ non vedi neanche tuo fratello.
Gli ho detto: dottore non credo,/ dall’altro ancora ci vedo,/ e mio fratello quando lo uso,/ lo trovo al buio e a occhi chiusi.
Io non sono mica convinto,/ ma va là! Proprio per niente!/ Mio nonno ci dava forte,/ ci ha visto finché è morto.
Mio cugino che non ci dava,/ a trent’anni già non vedeva,/ e ‘sti fatti per quanto siano,/ negano la sua teoria.
Dottore portate pazienza,/ voi che siete uomo di scienza,/ credete a queste frottole?/ Avete gli occhiali con le lenti rotte!
E allora se mi permette,/ io gli occhiali non me li metto,/ ci vediamo l’anno che viene,/ che per adesso ci vedo bene!
