E’ cunéj e’ stà tla stia,
che sinó e’ scapa via,
e una vòlta ciuš ilé,
us la gód a incunijè
L’è un divertimèint,
sèimpre ciuš d’èltre chènt,
e sla cunèja ilé dré,
l’è mèj ch’e’ faza isé.
Mo e’ cunèj l’à paura,
e l’è per quèst ch’un dura,
ma la cunèja isé brèva,
cum ch’u jè mèt u jè chèva.
Però e’ rèsta imbirìd,
l’artäca apèina fnìd,
un si stòfa, ui dà ui dà,
e’ bèda a la quantità.
Us ne frèga dla durèda,
l’incunèja ad vulèda,
e’ dura un pèra d’ sgänd,
l’è e’ pjó švélt de mänd.
L’è dabòn un campiòun,
‘na bèla sudisfaziòun,
se dura pòc un bazila,
zà ch’un fà sé sèt in fila.
La cunèja lan si šdègna,
tènimòdi la è prègna,
e sèimpre dré a fié,
mo lai diš cumunque sé.
Sicur ch’lan si lamèinta,
la pò ès sna che cuntèinta,
invéce d’una länga,
ui ne täca una valanga.
Ivano Aurelio Muratori
IL CONIGLIO DURA POCO
Il coniglio sta nella stia,/ che sennò scappa via,/ e una volta chiuso lì,/ non fa altro che congiungersi.
È un divertimento,/ sempre chiuso d’altro canto,/ con la coniglia li vicino,/ è meglio che faccia così.
Ma il coniglio ha paura,/ è per questo che non dura,/ alla coniglia così brava,/ come ce lo mette glielo cava.
Però resta eccitato,/ ricomincia appena finito,/ non si stanca, ci dà ci dà,/ bada alla quantità.
Se ne frega della durata,/ si congiunge di volata,/ dura un paio di secondi,/ è il più svelto del mondo.
È davvero un campione,/ una bella soddisfazione,/ se dura poco non si preoccupa,/ già che ne fa sei sette in fila.
La coniglia non si sdegna,/ tanto è gravida,/ e sempre dietro a figliare,/ ma gli dice comunque sì.
Sicuro che non si lamenta,/ non può essere che contenta,/ invece di una lunga,/ gliene tocca una valanga.
