Se Pandolf Sigismänd,/ e’ putès turnè me mänd,/ mè a dég ch’us cumòv,/ dimpèt m’un castèl nòv.
Mo a véda al sèli pini,/ de museo ad Felini,/ bèin divèrsi da prima,/ u la tira una biastima.
Dòp sicur ch’u s’arcréd,/ quand che drèinta e’ véd,/agl’jòpri de grand régésta,/ ch’al šbalurdès la vèsta.
A scumèt ch’u s’incaza,/a véda che tla piaza,/jà fat un strèn lavór,/ a discapit de dècór.
Una funtèna sa de guaz,/ du chi va a bév i raz,/e la zèinta lai camèina,/ schélza cmè a marèina.
Vòt che ló e’ staga bòn,/ quand us tròva te nibiòun,/ che da tèra e’ vèin só,/e e’ castèl u ne véd pjó!
Davènti ma stè fat,/ sèinz’èltre e’ farà un scat,/tènimòdi s’un véd,/ u s’incaza, èmènc a crèd.
Us la ciaparà s’Andrea,/ ch’la vù la strèna idea,/ bislaca e strampalèda,/ dla nèbia in pin instèda,
S’ul savès e’ Brunelèschi,/ Gnasi e finiria tal pèschi,/ cus ch’ui giria ma l’architèt,/ch’un l’à fat per dispèt!
Un si po pòrca putèna,/ fè tènt cias per ‘na funtèna,/ perché fata a zél avèrt,/ tramèz un scról d rèpèrt.
Zèrt ch’us féva prima,/ a costruì una piscina,/ mo adès ch’la è ilé,/ ui si fà e’ bagn tót i dé.
La fà perta de cuntèst,/ culèghèda ma tót e’ rèst,/ sl’ispira- ziòun fèlinièna,/ l’à n’è bróta cla funtèna.
Sa tótt ch’jèfèt spécièl,/ ilé davènti me castèl,/ch’l’è ‘na maravèja,/ Sigišmänd e’ cambia idea.
La funtèna la fà sèna,/ e ma Andrea ui strènz la mèna,/ sa tènt ad cumplimèint,/ che Sigismänd u n’è ignurènt.
Ivano Aurelio Muratori
Se Pandolfo Sigismondo,/ potesse tornare al mondo,/ io di- co che si commuove,/ davanti a un castello nuovo.
Ma a vedere le sale piene,/ del museo di Fellini,/ ben diver- se da prima,/ la tira una bestemmia.
Dopo sicuro che si ricrede,/ quando dentro vede,/ le opere del gran regista,/ che sbaloriscono la vista.
Scommetto che s’incazza,/ a veder che nella piazza,/ hanno fatto uno strano lavoro,/ a discapito del decoro.
Una fontana con del guazzo,/ dove vanno a bere gli uccelli,/e la gente ci cammina,/ scalza come a marina.
Vuoi che lui stia buono,/ quando si trova nel nebbione,/ che da terra viene su,/ il castello non lo vede più!
Davanti a questo fatto,/ senz’altro farà uno scatto,/ tanto se non ci vede,/ s’incazza, almeno credo.
Se la prenderà con Andrea,/che ha avuto la bella idea,/ bis- lacca e strampalata,/ dellla nebbia in piena estate.
Se lo sapesse Brunelleschi,/Gnassi finirebbe nelle pesche,/cosa gli direbbe all’architetto,/che non l’ha fatto per dispetto.
Non si può porca puttana,/ far tanto chiasso per una fontana,/perché fatta a cielo aperto,/in mezzo a un sacco di reperti.
Certo che si faceva prima,/a costruire una piscina,/ma adesso che è lì,/ ci si fa il bagno tutti i giorni.
Fa parte del contesto,/ collegata a tutto il resto,/ con l’ispirazione felliniena,/ non è brutta quella fontana.
Con tutti quegli effetti speciali,/ lì davanti al castello,/ che è una meraviglia,/ Sigismondo cambia idea.
La fontana fa scena,/ e a Andrea gli stringe la mano,/ con tanto di complimenti,/ che Sigismondo non è ignorante.
