Quèl cnusùd cmè casòun,
l’è stè l’invènziòun,
ad mèt drèinta ‘na pièda,
un po’ d’ èrba tridèda.
Per la mi curiošità,
ò dmand ma la mi ma’,
chi è che u jà invènte,
la m’à arspòst: un frè!
Invèci per la mi nòna,
la à da ès stè ‘na dòna,
ch’la stéva dòp d Arzun,
a mèt agl’jérbi ti casun.
Agl’jè queli che lis magna,
ch’al vèin só tla campagna,
arcòlti ti chèmp, ti fós,
dal doni ch’j li cnäs.
Al pjò bòni agl’jè al ròšli,
lis magna sèinza còšli,
lis trida cun e’ curtèl
e lis lasa a mòl té sèl.
Dòp du óri al va sculèdi,
e bèin bèin strizèdi,
lis cundès sl’ òglie e l’aj,
mètie e’ pevur l’è un šbaj.
Agl’jèrbi lis mèt a crud,
t’na pièda da ciud,
si dèint dla furzèina,
sèinza bšägn dla rudlèina.
Epù per còšle us fà prèst,
basta mètle sóra e’ tèst,
zinc sé minut ad qua e dlà
per la cutura jè sà.
Us magna apèina fat,
sèinza bšägn d’un piat,
u jè al mèni ad sucòrs,
intènt ch’ui si dà d mòrs.
Ènc sl’è pièda e èrba,
l’è ‘na ròba supérba,
l’è scuntèd che e’ casòun,
us fat sa gnint e l’è bon.
Ivano Aurelio Muratori
IL CASCIONE
Quello conosciuto come cascione,/ è stata l’invenzione,/ di mettere dentro a una piada,/ un po’ di erba tritata.
Per mia curiosità,/ ho chiesto a mia mamma,/ chi li ha inventati,/ mi ha risposto: un frate!
Invece per mia nonna,/ deve essere stata una donna,/ che stava dopo Riccione,/ a metter le erbe nei cascioni.
Sono quelle che si mangiano,/ che crescono in campagna,/ raccolte nei campi e nei fossi,/ dalle donne che le conoscono.
Le più buone sono le rosole,/ si mangiano senza cuocerle,/ si tritano col coltello,/ e si lasciano a macerare nel sale.
Dopo due ore vanno scolate,/ e ben bene strizzate,/ si condiscono con olio e aglio,/ metterci il pepe è uno sbaglio.
Le erbe si mettono a crudo,/in una piada che si chiude,/ con i rabbi della forchetta,/ senza bisogno della rotellina.
E poi per cuocerlo si fa presto,/ basta metterlo sul testo,/ cinque sei minuti di qua e di là,/ per la cottura sono abbastanza.
Si mangia appena fatto,/ senza bisogno di un piatto,/ ci sono le mani di soccorso,/ intanto che gli si dà di morso.
Anche se è piada ed erba,/ è una cosa che è superba,/ è scontato che il cascione,/ è fatto con niente ed è buono.
