In tribunèl cum ch’us sa,/ it diš da dì la vèrità,/ st’an la diš dop ‘vè zurè,/ it pò ènca cundanè.
La bušia l’è un délét,/ ch’u t’obliga a stè zét,/ a pèina dla galèra,/ se t diš quèl ch’u n’è véra.
Mo fóra de tribunèl,/ dì una bušia l’è nurmèl,/ quand lai vò e la cunvèin,/ e déta per fè de béin.
Mo u jè e’ bušardòun,/ che in ògni situaziòun,/ e’ diš e’ fèls per verità,/ per su nurmèla atività.
Sal bušii ló l’insést,/ per fè crèd quel ch’u n’éšést,/ tót quèst un gni fà unór,/ e ul qualèfica un impustòr.
La bušia l’è un pchè,/ ènca se ló us va a cunfsè,/ e j dà l’aso- luziòun,/ e’ rèsta un bušardòun.
Sa ló bšägna s-ciantèla,/ te fiòc a dèi vanèla,/ quand ch’e’ täca a zcär,/ ui si dà strèda da còr.
La vargägna lai fa unór,/ per la ciša l’è un pécatór,/ per la lèza un lazaròun,/ per la zèinta un bušardòun.
Ivano Aurelio Muratori
In tribunale come si sa,/ ti dicono di dire la verità,/ se non la dici dopo aver giurato,/ ti possono anche condannare.
La bugia è un delitto,/ che ti obbliga a star zitto,/ a pena della galera,/ se dici quello che non è vero.
Ma fuori del tribunale,/ dire una bugia è normale,/ quando ci vuole e conviene,/ e detta per fare del bene.
Ma c’è il bugiardone,/ che in ogni situazione,/ dice il falso per verità,/ per sua normale attività.
Sulle bugie lui insiste,/ per far credere quel che non esiste,/ tutto questo non gli fa onore,/ e lo qualificano un impostore.
La bugia è un peccato,/ anche se lui si va a confessare,/ e gli danno l’assoluzione,/ resta un bugiardone.
Con lui bisogna schiantarla,/ nel fiocco a dargli corda,/ quando comincia a parlare,/ gli si dà strada da correre.
La vergogna gli fa onore,/ per la chiesa è un peccatore,/ per la legge un lazzarone,/ per la gente un bugiardone.
