Ad natura e’ bucalón
l’è grand e bambuzòun,
sla bäca fóra de nurmèl,
granda quant un urinèl.
L’è ‘na pòrta spalanchèda,
per fè surtì una cazèda,
ch’la vèin sèinza ciamèla,
cumè e cul sla cagarèla.
L’à ‘na lèngua e’purèin,
ch’u n’à mòd da tnila a frèin,
quèl che diš u n’à e’ vèrs,
tót zcurs fat ad travèrs.
E’ dà só tót i mumèint,
per ciapès d’jazidèint,
che la zèinta lan gni stà,
a sintì tót che bla bla.
Sa quèl ch’un gni riguèrda,
e’ zcär a còst ad dì mèrda,
e’ barbòtla e’ dà da dì,
sèinza gnènca fès capì.
Se pu qualcun ul sint,
e’ diš quèst un capès gnint,
l’è fóra cmè un balcòun,
l’è pròpie un bucalón.
Al ròbi po lin mòr ilé,
ló e’ va in zir a racuntè,
tót quel ch’u n’à capì,
e pu e’ diš: ah ció! ah dì!
Bšägnaria sèimpre badèl,
stèi dré com m’un burdèl,
quand e’ zcär sèinza rašòun,
ciudie la bäca s’un s-ciafòun!
E’ bucalón un s’indrèza,
gnènca a ròmpie una custèza,
bšägna tnìl isé cum ch’l’è,
un gni si pò miga mnè!
Ivano Aurelio Muratori
IL BOCCALONE
Di natura il boccalone,/ e grande e bamboccione,/ con la bocca fuori dal normale,/ grande quanto un orinale.
È una porta spalancata,/ per far sortire la cazzata,/ che viene senza chiamarla,/ come il culo con la cagarella.
Ha una lingua il poverino,/ che non ha modo di tenerla a freno,/ quello che dice non ha il verso,/ tutti discorsi fatti di traverso.
Dà su tutti i momenti,/ per prendersi degli accidenti,/ che la gente non ci sta,/ a sentire tutto quel bla bla.
Su quello che non lo riguarda,/ parla a costo di dire merda,/ borbotta, dà da dire,/ senza neanche farsi capire.
Se poi qualcuno lo sente,/ dice questo non capisce niente,/ è fuori come un balcone,/ è proprio un boccalone.
Le cose poi non finiscono lì,/ lui va in giro a raccontare,/ tutto quello che non ha capito,/ e poi dice: ah ciò! ah dì!
Bisognerebbe sempre badarlo,/ stargli dietro come a un bambino,/ quando parla senza ragione,/ chiudergli la bocca con uno schiaffone!
Il boccalone non lo si raddrizza,/ neanche a rompergli una costola,/ bisogna tenerlo così com’è,/ non gli si può mica menare!
