Sinènt adèss l’autón,
u s’à pòrt sna di marun,
i còsta ènca parèć,
ròba ch’la fa pianz jèćć.
Mo ènca pr i fóng purzèin,
ui vò un scról d quatrèin,
o ch’is pèga in tènti rati,
o ch’us magna dal patati.
L’ òglie d’uliva e’ còr,
l’à e’ stès prèzi dl’ór,
mo mè a n’ò prublèmi,
a cundès sa quèl ad sèmi.
Per savè e’ còst de vèin
bšägna spitè San Martèin,
però se tènt um dà tènt,
e’ pò crès de vint per zènt.
E sl’ariva a un zért livèl,
mè a m’arang sè Tavernèl,
un sarà e’ mèj di vèin,
mo emènc a n m’arvèin.
Me pèn un gni s’aprèsa,
per la pavura ch’e e’ crèsa,
a magn ènca i tròcle dur,
isé a sparagn sicur.
Se la pasta l’aumèinta,
a la rimpiaz sla pulèinta,
ad farèina ad furmantòun,
s’un prèzie un po’ pjó bòn.
Mo sla fróta e la vardura,
l’è una gara dura,
tènt un gn’è gnint da fè,
sa tót jaumèint ch’u jè.
E’ mumèint l’è brót,
mè a faz a mènc di frót,
a magn sna l’insalèda,
a un euro e’ casp zà scuntèda.
An stag a dì dla chèrna e pès,
l’è mej a nu avšinè-s,
mè ò ardót la quantità,
an magn mènc d’una mità.
E’ prèzie di cumbustèbil,
l’è de tótt insustnèbil,
luša, gas, carbòun, lègna,
l’è una róba indègna.
Per paghé quii ch’ilé,
un u s’à da švènè
o sina murì de frèd,
a sém pròpie di šgrazièd.
Us téca dì: ad majora!
se i prèzi in crés incóra,
e se e’ guvèrne l’è bòn,
che tròva una soluziòun.
Ivano Aurelio Muratori
DALL’AUTUNNO SOLO DEI MARRONI!
Fin adesso l’autunno,/ c’ha portato solo dei marroni,/ costano anche parecchio,/ roba che fa piangere gli occhi.
Ma anche per i funghi porcini,/ ci vogliono un sacco di quattrini,/ o si pagano in tante rate,/ o si mangiano le patate.
L’olio d’oliva corre,/ ha lo stesso prezzo dell’oro,/ ma io non ho problemi,/ condisco con quello di semi.
Per sapere il costo del vino,/ bisogna aspettare San Martino,/ peró se tanto mi dà tanto,/ può crescere del venti per cento.
E se arriva a un certo livello,/ io mi arrangio col Tavernello,/ non sarà il meglio dei vini,/ ma almeno non mi rovino.
Al pane non ci si avvicina,/ per la paura che cresca,/ mangio anche i pezzi duri,/ così risparmio di sicuro.
Se la pasta aumenta,/ la rimpiazzo con la polenta,/ di farina di frumento,/ con un prezzo un po’ più buono.
Ma con la frutta e la verdura,/ è una gara dura,/ tanto non c’è niente da fare,/ con tutti gli aumenti che ci sono.
Il momento è brutto,/ io faccio a meno dei frutti,/ mangio solo l’ins lata,/ a un euro al caspo già scontata.
Non sto a dire della carne e pesce,/ è maglio a non avvicinarsi,/ io ho ridotto la quantità,/ ne mangio meno di una metà.
Il prezzo dei combustibili,/ è del tutto insostenibile,/ luce, gas, carbone e legna,/ è una roba indegna.
Per pagare quelli lì,/ uno si deve svenare,/ o se no morire di freddo,/ siamo proprio disgraziati.
Ci tocca dire: ad majora,/ se i prezzi non crescono ancora,/ e se il governo è buono,/ che trovi una soluzione.
