Vujèlt burdèll daši rèta,
s’uv pièš la pulpèta,
un gni si pò guardè drèinta,
cun ch’la fà spèss la zèinta.
Per cnäs j ingrediént,
nu faši j insistént,
che tènt l’è l’istès,
s’un si sa cus ch’ jà mès.
Un mèlfidèd che e’ suspèta,
u n’è dègn dla pulpèta,
mèj che magna e’ becalà
che ilé cus ch’u jè us sa.
Tal pulpèti l’è un mistèr,
un ui mèt tót quèl ch’ui pèr,
cus ch’u jè adiritura,
u ne diš säta turtura.
Se vujèlt al vlì savè,
av dég cum ch’a li faz mè,
an dròv javènz e la purchèra,
e av zur che quèst l’è véra.
Ai mèt la chèrna de mazèl,
baghin, manz, un po’ d vidèl,
im la mèšna ilé per lé,
ch’a vòj véda ch’us ch’u jè.
Ai faz la zunta se lès,
sèinza l’è l’istès,
a impast tót cum che va fat,
sa pangratèd, òvi e lat,
pévur, sèl, nuša muschèda
e dla fòrma gratušèda,
e pu a faz, cumè ch’al vèin,
pali com i mandarèin.
Lis fréz, e al va sè pumidòr,
du cal ciapa pjó sapór,
tranquèl! ch’agl’jè d ‘na bunta,
adès ch’a savì cum ch’lis fa.
Ivano Aurelio Muratori
COSA C’È NELLE POLPETTE?
Voi ragazzi date retta,/ se vi piace la polpetta,/ non ci si può guardar dentro,/ come fa tanta gente.
Per conoscere gli ingredienti,/ non fate gli insistenti,/ che tanto è lo stesso,/ se non si sa cosa c’han messo.
Un malfidato che sospetta,/ non è degno della polpetta,/ meglio che mangi il baccalà,/ che lì cosa c’è si sa.
Nelle polpette è un mistero,/ uno ci mette tutto quello che gli pare,/ cosa c’è addirittura,/ non lo dice sotto tortura.
Se voi lo volete sapere,/ vi dico come le faccio io,/ non adopero gli avanzi e la porcheria,/ vi giuro che questo è vero.
Ci metto carne del macello,/ maiale, manzo e un po’ di vitello,/ me la macinano lì per lì,/ che voglio vedere cosa c’è.
Ci faccio la giunta col lesso,/ senza è lo stesso,/impasto tutto come va fatto,/ con pangrattato,uova e latte,/
pepe, sale, noce moscata,/ e della forma grattugiata,/ e poi faccio come vengono,/ palle come i mandarini.
Si friggono e vanno col pomodoro,/ dove prendono più sapore,/ tranquilli! che sono di una bontà,/ adesso che sapete come si fanno.
