Al savrì pu bèla zèinta,
che e’ mlòun l’è ‘na piènta,
se crisès sóra ‘na frasca,
us spacaria quand e’ casca.
Quèl ch’a dég l’è tènt véra,
ch’ai putì véda ma tèra,
quand jè grós per mèz de tat,
us capès se jé zà fat.
E’ mlòun com un fiór,
u s’arcnäs da l’udór,
u te diš l’udurèd,
quand ch’u s’è maturèd.
Da sóra i bènc de marchè,
tra ‘na masa us pò capè,
tènt i diš me frutaròl,
ch’ui sinta ló l’udór.
E pjó dal vòlti e’ puraz,
d’udòr un sà un caz,
un ciapa un isé a chèš,
e u se strèsa säta e’ nèš.
Quèl ch’ul còmpra l’è frighèd,
s’un mlòun zà pasèd,
ch’e’ cminza da la bóza,
a fè una bèla póza.
Mè an vòj fèv la leziòun,
sa com us capa un mlòun,
ch’a ciaparia de pataca,
da quèl ch’un gni ciapa.
A dég iquè, sna per dì,
ma chi stà da sintì,
tót quel ch’u s’à da fè,
in mòdi d nu šbajè.
Un bèl mlòun sincér,
l’à un udór ligèr,
quand ch’l’è pas ad là,
l’è fòrt l’udór che fà.
Dòp us guèrda me culór,
ch’la da tirè tl’òr,
zal cume quel dla banana,
ch’un sia vérd cmè la cana.
Intènt per capè i mlùn,
us va vènti a tastùn,
quand ch’us ne sint un dur,
quel l’è bòn ad sicur,
Se invèci l’è mól me tat,
e’ vò dì ch’l’è sfat,
lasèl pu du ch’l’é,
ch’un si putria magnè.
Ivano Aurelio Muratori
COME SI SCEGIE IL MELONE
Saprete pure bella gente,/ che il melone è una pianta,/ se crescesse su di un albero,/ si romperebbe quando cade.
Quello che dico e tanto vero,/ che li potete vedere per terra,/ quando sono grossi con il tatto,/ si capisce se son già fatti.
Il melone come un fiore,/ si riconosce dall’odore,/ te lo dice l’odorato,/ quando si è maturato.
Da banchi del mercato,/ tra molti si può scegliere,/ tanti dicono al fruttivendolo,/ che lo senta lui l’odore.
Il più delle volte il poveraccio,/ dell’odore non sa niente,/ ne prende così uno a caso,/ e se lo striscia sotto il naso.
Quello che lo compra è fregato,/ con un melone già passato,/ che comincia dalla buccia,/ a fare una gran puzza.
Io non voglio farvi la lezione,/ su come si sceglie un melone,/ che prenderei del pataca,/ da quello che non ci prende.
Dico qui solo per dire,/ a chi sta a sentire,/ tutto quello che si deve fare,/ in modo di non sbagliare.
Un bel melone sincero,/ ha un odore leggero,/ quando è passato di là,/ è forte l’odore che dà.
Dopo si guarda al colore,/ che deve tirare all’oro,/ giallo come quello della banana,/ che non sia verde come la canna.
Intanto per scegliere i meloni,/ si va avanti a tastoni,/ quando se ne sente uno duro,/ quello è buono di sicuro.
Se invece è molle al tatto,/ vuol dire che è sfatto,/ lasciatelo pure dov’è,/ che non si potrebbe mangiare.
