U j’è dal fat zurnèdi,
ch’al nas zà imbarlèdi,
al véin fóra stòrti,
sculurédi e mèzi šmòrti.
Da l’alvèda mè a capès,
sl’è un dé che fila lés,
o se invèci l’è un dé pèrs,
sè pcòun che va d travèrs.
Sla ciapa ‘na bróta piga,
a indrizèla l’è fadiga,
gnènca un fabre se martèl,
un dé brót u te fà bèl.
Quand ch’la bóta isé,
am zir e a guèrd d’indré,
an n’ò vòja da cumbat,
zà tròpi vòlti a l’ò fat.
An bazil pjó ‘na masa,
tènimòdi j dé i pasa,
s’ui n’è quacun faléd
un pò èss prutèstèd.
E un mi rèsta èlt da fè,
che stè bòn ed aspitè,
ch’la pasa rata rata,
una zurnadaza mata.
T na situaziòun isé,
um cunfòrta un bòn cafè,
ch’a me bév per dispèt,
e pu dòp a vag te lèt.
Da stè ilé ò sna chéra,
a dòrme sinènt la séra,
mo la nòta la sarà pèz,
a stag svègg, um täca lèz!
Ivano Aurelio Muratori
CHE GIORNATACCIA!
Ci sono delle giornate,/ che nascono fuori squadro,/vengono fuori storte,/ scolorate e smorte.
Dalla levata io capisco,/ se è un giorno che fila liscio,/ o se invece è un giorno perso,/ col boccone che va di traverso.
Se prende una brutta piega,/ a raddrizzarla è fatica,/ neanche un fabbro col martello,/ un giorno brutto te lo fa bello.
Quando butta così,/ mi giro e guardo dietro,/ non ho voglia di combattere,/ già troppe volte l’ho fatto.
Non mi preoccupo molto,/ tanto i giorni passano,/ se ce n’è qualcuno fallato,/ non può essere protestato.
E non mi resta altro da fare,/ che star buono ed aspettare,/ che passi lentamente,/ una giornata matta.
In una situazione così,/ mi conforta un buon caffè,/ che me lo bevo per dispetto,/ e poi dopo vado a letto.
Di star lì mi fa piacere,/ dormo fino alla sera,/ ma la notte sarà peggio,/ sto sveglio, mi tocca leggere.
