Um pièš un reful d vèint,
ch’us sèint e un si sèint,
e ligér e’ còr sla pèla,
per e’ góst da carizèla.
L’è un vèint mudèrèd,
zantil, bèin éduchèd,
mo sèimpre in muvimèint,
ènca sl’è un mèz vèint.
Int i sit duvè ch’e’pasa,
e e’ fà šmòv l’èria basa,
u l’arvòlta, u la zira,
dòp ad ché mèj us rispira.
Ma ste vangin ui ghèrba,
mòv al fòj, pitnè l’èrba,
fè dundlè i marugun,
e a fè vulè jaquilun.
E’ fà biriènda se mèr,
in cumpagnia di cuchèl,
mal gl’jändi un li strapaza,
lis mòv pièn sla bunaza.
Al va via al bèrchi a vèla,
se vangin al va ch’al pèla,
e dal vòlti per dispèt,
tót t una vòlta e’ šmèt
E’ fà mòv al nóvli in zél,
sèinza lèmp e’ tèmpurèl,
cun e’ vangin un si tròva,
e’ tèimp brót sla piòva.
Mè ad ló a sò cuntèint,
l’è chélme maj furént,
u n’ariva sna fulèda,
mo piutóst sna sufièda.
Ivano Aurelio Muratori
CHE BEL VENTICELLO!
Mi piace un refolo di vento,/ che si sente e non si sente,/ e leggero corre sulla pelle,/ per il gusto di accarezzarla.
È un vento moderato,/ gentile, beneducato,/ ma sempre in movimento,/ anche se è un mezzo vento.
Nei posti dove passa,/ fa smuovere l’aria bassa,/ la rivolta, la gira,/ dopo di che meglio si respira.
A questo venticello gli garba,/ muovere le foglie, pettinare l’erba,/far dondolare le acacie,/ e far volare gli aquiloni.
Volteggia sul mare,/ in compagnia dei gabbiani,/ alle onde non le strapazza,/ si muovono piano con la bonaccia.
Vanno via le barche a vela,/ col venticello vanno che pelano,/ e a volte per dispetto,/ tutto in una volta smette.
Fa muovere le nuvole nel cielo,/ senza lampi e temporali,/ con il venticello non si trova,/ il tempo brutto con la pioggia.
Io di lui son contento,/ è calmo mai furente,/ non arriva con una folata,/ ma piuttosto con un soffio.
