Per la tòsa sèca o grasa,
e per la vóša straca e basa,
j vèndèva dal caramlini,
pòc pjó gròsi dal mèntini.
Fóra agl’ jéra inzucharèdi,
drèinta frèschi e prufumèdi,
d’eucaliptolo e mèinta,
cla pjó fòrta e pjó putèinta.
O sè e’ pino silvèstre,
sun bòn aròma alpèstre,
s’al formi disparèdi,
tändi, uvèli, ènca quadrèdi.
Agl’jéra pini ad vigór,
bòn còuntra me brušór,
al vèrzèva góla e nèš,
e da ciucè prima di bèš.
Al lasèva un bòn udór,
tla bäca de fumadór,
ma quii ch’i bivéva tènt,
e j’avéva e fiè pèšènt.
I li magnèva i luvaciun,
prèsapòc cmè i macarun,
sèimpre sal bachi pini,
ad cal bòni caramlini.
Un piašèr l’éra biasèli,
pjó ancóra che ciucèli,
perché morbidi e gumòši,
säta i dèint parèć gustòši.
I nóm an m’ j’arcòrd,
a sò vèć a mi zcòrd,
mo s’us zèrca una muliga,
lis tròva sèinza fadiga.
Ivano Aurelio Muratori
QUELLE CARAMELLINE VERDINE!
Per la tosse secca e grassa,/ e per la voce stanca e bassa,/ vendevano delle caramelline,/ poco più grosse delle mentine.
Fuori erano zuccherate,/ dentro fresche e profumate,/ di eucaliptolo e menta,/ quella più forte e più potente.
O col pino silvestre,/ con un buon odore alpestre,/ con forme disparate,/ tonde, ovali anche quadrate.
Erano piene di vigore,/ buone contro il bruciore,/ aprivano gola e naso,/ e da succhiare prima dei baci,
Lasciavano un buon odore,/ nella bocca del fumatore,/ a quelli che bevevano tanto,/ e avevano il fiato pesante.
Le mangiavano i golosoni,/ pressapoco come i maccheroni,/ sempre con le bocche piene,/ di quelle buone caramelline.
Un piacere era masticarle,/ più ancora che succhiarle,/ perché morbide e gommose,/ sotto i denti molto gustose.
I nomi non me li ricordo,/ sono vecchio me li dimentico,/ ma se si cerca un po’/ si trovano senza fatica.
