A jò dét ma la mi spóša,
bšägna che t am tóša,
ò i cavèl ch’i fà schiv,
e e’ barbièr l’è pusitiv.
Jè läng pjó d una spana,
bšägna che tai radana,
ò vést che t ci tènt brèva,
a pudè bòsc e séva.
Cuš ch’ui vò per ‘na tušèda?
té t ci ènca lavreèda,
al fòrbši ta li sé duvrè,
a putém zà cminzè.
Tòtavi’ ma la partèinza,
la à fat dla rèšistèinza,
pu fòrza ad dii dai dai,
la m’à mès säta taj.
Ai vòj a l’umbèrta,
sla sfumadura un po’ élta,
lóng un dèda, sèinza riga,
ch’u n’è tènta fadiga!
Isé la s’è mèssa a sfurbšé,
e me ò vù da bazilé,
lan gni déva miga invèl,
la m’à ‘rvinè i cavél.
Quand la à ciap te rašor,
ò vù ‘na féta me cór,
a jò dét fam e’ piašèr,
va a zarchè un barbièr.
Té t ci brèva at ringrèzi,
mo e’ suzèd tènti dišgrèzi,
se rašór se ta ne cnäs,
préšémpie ch’am chèg madòs.
Ivano Aurelio Muratori
BISOGNA CHE MI TOSI
Ho detto a mia moglie,/ bisogna che mi tosi,/ ho i capelli che fanno schifo,/ e il barbiere è positivo.
Sono lunghi più di una spanna,/ bisogna che me li sistemi,/ ho visto che sei tanto brava,/ a potare il bosco e la siepe.
Cosa ci vuole per una tosata?/ tu sei anche laureata,/ le forbici le sai adoperare,/ possiamo già cominciare.
Tuttavia alla partenza,/ ha fatto della resistenza,/ poi a forza di dirle dài dài,/ mi ha messo sotto taglio.
Li voglio all’Umberta,/ con la sfumatura alta,/ lunghi un dito, senza riga,/che non è tanta fatica!
Così si è messa a sforbiciare,/ e io mi sono preoccupato,/ non ci dava da nessuna parte,/ mi ha rovinato i capelli.
Quando ha preso il rasoio,/ ho avuto una fitta al cuore,/ le ho detto fammi il piacere,/ va a cercare un barbiere.
Tu sei brava, ti ringrazio,/ ma suIvano Aurelio Muratoriccedono tante disgrazie,/ se il rasoio non lo conosci,/ per esempio che mi cago addosso.
