La matèina am švég si raz,
lór i vèin se mi tèraz,
du ch’i tróva da magnè,
che la séra ai pripèr mè.
L’è pèn fat a mulighi,
l’arcèm per al furmighi,
che li n’è un prubléma,
per i raztin ch’jà fèma.
J’ariva d’ vulèda,
in sintunia sl’alvèda,
i vèin a bichè ilé,
e pu j täca a cantè.
Tótt d’acòrd, a bèc vért,
i cminza un bèl cuncèrt,
fat ad trèl e d’gurghég,
ch’am gòd mèintre ch’am svég.
A vérz jèćć sna sèrènèda,
la nas béin la zurnèda,
da e’ mumèint ch’am tròv pèrs,
fra una masa ad chènt divèrs.
Cmè quii de carigliòn,
ch’l’avèva e’ mi nòn,
sna musichina uguèla,
e cumunque pròpie bèla.
A la fèin dal cantèndi,
i va via èli spièghèdi,
tènt l’apuntamèint,
l’è per e’ dé seguèint.
A m’avì ènca mè,
agl’jòt a täc a lavurè,
e ma la prësa te rèpèrt,
l’è tót un ènt cuncèrt.
Ivano Aurelio Muratori
MI SVEGLIO CON GLI UCCELLI
La mattina mi sveglio con gli uccelli,/ loro vengono sul mio terrazzo,/ dove trovano da mangiare,/ che la sera preparo loro.
È pane sbriciolato,/ richiamo per le formiche,/ che non sono un problema,/ per gli uccellini che hanno fame.
Arrivano di volata,/ in sintonia con la levata,/ vengono a beccare lì,/ e poi cominciano a cantare.
Tutti d’accordo, a becco aperto,/ cominciano un bel concerto,/ fatto di trilli e gorgheggi,/ che mi godo mentre mi sveglio.
Aprire gli occhi con una serenata,/ nasce bene la giornata,/ dal momento che mi trovo immerso,/ fra molti canti diversi.
Come quelli del carillon,/ che aveva mio nonno,/ con una musichina uguale,/ e comunque proprio bella.
Alla fine dei canti,/ vanno via ad ali spiegate,/ tanto l’appuntamento,/ è per il giorno seguente.
Mi avvio anch’io,/ alle otto comincio a lavorare,/ e alla pressa nel reparto,/ è tutto un altro concerto.
