Ir se marchè gènèrèl,
al zuchini zinc evri e’ chél,
ch’epù e’ saria, pjó o mènc,
cumè i vèć dièšmélafrènc.
A stéva zà per cumprèli,
che sè prèzi ò vést al stèli,
e ai dég ma l’ešercént,
mo boja dn’azidént!
A sintì ch’e’ šmuculèva,
che nisun u li cumprèva,
sèinza fè tènti pušghèti,
a n’ò tòlt un òt èti.
Ènca se e’ péš l’è puchin,
nun a la fém cun e’ rimpìn,
però la zuchina drèinta,
la jà una masa ad smèinta,
ch’ las chèva se curtlin,
per fè e’ pòst me rimpìn,
fat s’agl’jòvi, e’ mašnèd,
e furmaj e e’ pèngratèd.
E per déi de bòn udór,
un po’ d’ai e pardansól,
isé la è sapurida,
e la fà bona riusida.
Las coš drèinta la pasèda,
sl’òglie e zväla tridèda,
chi u li magna u s’ arduš,
a zarchè e’ bòn te buš.
Sè sughin la è perfèta,
per fè ènca la scarpèta,
u s’arcòj s’un po’ d pèn,
se un un vò fè e’ fèin.
Simbèin ch’la sia pina,
l’arvènza ligirina,
la còsta énca ‘na masa,
un s’n’è pò magnè ‘na casa.
‘Na vòlta còta te fórne,
la fà da sgänd e cuntórne,
insäma sa quèla us magna,
ènca se un si sparagna.
Ivano Aurelio Muratori
LE ZUCCHINE COL RIPIENO
Ieri al mercato generale,/ le zucchine cinque euro al chilo,/ che poi sarebbe, più o meno,/ come le vecchie diecimila lire.
Stavo già per comprarle,/ che col prezzo ho visto le stelle,/ e dico all’esercente,/ ma boia di un accidente!
A sentir che bestemmiava,/ che nessuno le comprava,/ senza fare tante storie,/ ne ho prese otto etti.
Anche se il peso è pochino,/ noi la facciamo col ripieno,/ però dentro la zucchina,/ ha un sacco di semi,
che si tolgono col coltellino,/ per far posto al ripieno,/ fatto con le uova, il macinato,/ il formaggio e il pangrattato.
E per darle del buon odore,/ un po’ d’aglio e prezzemolo,/ così è saporita e fa buona riuscita.
Si cuoce dentro la passata,/ con l’olio e la cipolla tritata,/ chi la mangia si riduce,/ a cercare il buono nel buco.
Col sughino è perfetta,/ per far anche la scarpetta,/ si raccoglie con un po’ di pane,/ se uno non vuole fare il fine.
Sebbene che sia piena,/ rimane leggerina,/ costa anche tanto,/ non se ne può mangiare una cassa.
Una volta cotta nel forno,/ fa da secondo e da contorno,/ insomma con quella si mangia,/ anche se non si risparmia.
