D’instèda sal calùri,
us fašéva al sabiadùri
ch’al féva bòn m’agl’jòsi,
sòratót ma l’artròši.
T’una buša bulèinta,
ui s’jandéva zó drèinta,
fin e’ còl, sla tèsta fóra,
e ui si stéva ‘na mèz’òra.
La sabia cumè na brèša,
la fašéva da furnèša,
s’una témpéradura,
bona per la fondidura.
A diréz l’upèraziòun,
e’ bagnin sè su garzòun,
i dó i badéva féss,
e’ purèin ch’un s-ciupès.
La sabia me còrp umèn,
lai fà com e’ sugamèn,
lai chèva via e’ sudór,
che e’ surtès per e’ calór.
E pèrò dòp ‘na mèz’òra,
bšugnéva scapè fóra,
che la péla pjó fèina,
las s-ciujèva tla rèina.
Per fè pasè sudór e afan,
u jéra ilé un capan,
du che e’ garzòun de bagnin,
ut féva bé un cugnachin.
La ròba cla funziòuna,
prèst la s’abandòuna,
al sabiadùri mè a sò,
ch’lin si fà pjó da un bèl po’.
Ivano Aurelio Muratori
LE SABBIATURE
D’estate con le calure,/ si facevano le sabbiature,/ che facevano bene alle ossa,/ soprattutto all’artrosi.
In una buca bollente,/ ci si andava giù dentro,/ fino al collo con la testa fuori,/ e ci si stava una mezz’ora.
La sabbia come una brace,/ faceva da fornace,/ con una temperatura,/ buona per la fonditura.
A dirigere l’operazione,/ il bagnino col suo garzone,/ i due guardavano fissi,/ il poverino che non scoppiasse.
La sabbia al corpo umano,/ ci fa come l’asciugamano,/ ci toglie via il sudore,/ che sortisce per il calore.
E però dopo una mezz’ora,/ bisognava uscire fuori,/ che la pelle più fine,/ si attaccava alla sabbia.
Per far passare sudore e affanno,/ c’era lì un capanno,/ dove il garzone del bagnino,/ ti faceva bere un cognacchino.
La roba che funziona,/ presto si abbandona,/ le sabbiature io so,/ che non si fanno più da un bel po’.
