Tra òm e’ dòna cum ch’us sa,
un gn’è pina parità,
léa tènt pr’ incumincè,
la jà ad pjó da campè.
Dal vòlti la s’adana,
e zinc an jè ‘na cundana,
quand invéce la stà bèin,
jan in pjó i šlönga la fèin.
L’è l’òm che e’ purèt,
a cunt fat u j’armèt,
u jamènca un pèz ad vita,
sla dòna a ès favurida.
Léa tra i dó l’è pjò fòrta,
lan dà burdòun ma la mòrta,
a ne sò cum ch’la fàza,
pur èsènd dla stèsa raza.
E sarà stè e’ Signór,
a fèj grèzia ad ste favór,
naturalmèint bòn per léa,
l’è peró ‘na strèna idéa.
Fòrse l’òm e’ mòr prima,
perché Dio mènc ul stima,
zà ch’l’avrà pjó pché,
isé u jà da scunté.
E’ pò èss ènca un eròr,
inscušabil de Signór,
mo l’eròr us curèz,
e us tò via da té mèz.
L’è ‘na bèla ingiustizia,
mo un pò èss una furbizia,
Dio tènt gióst e bòn,
l’avrà la soluziòun.
Dòp ad tótt, s’u la jà,
us pò zcär ad parità,
se tót e’ rèsta isé,
l’òm l’è zinc an indré.
Ivano Aurelio Muratori
LE DONNE CAMPANO DI PIÙ!
Tra uomo e donna come si sa,/ non c’è piena parità,/ lei tanto per cominciare,/ ha di più da campare.
A volte si danna,/ e cinque anni sono una condanna,/ quando invece sta bene,/ gli anni in più le allungano la fine.
È l’uomo che poveretto,/ a conti fatti ci rimette,/ gli manca un pezzo di vita,/ con la donna ad essere favorita.
Lei fra i due è più forte,/ non dà bordone alla morte,/ non so come faccia pur essendo della stessa razza.
Sarà stato il Signore,/ a farle grazia di sto favore,/ naturalmente buon per lei,/ è però una strana idea.
Forse l’uomo muore prima,/ perché Dio meno lo stima,/ giacché avrà più peccati,/ così li deve scontare.
Può essere anche un errore,/ inescusabile del Signore,/ ma l’errore si corregge,/ e si toglie via dal mezzo.
È una bella ingiustizia,/ ma non può essere una furbizia,/ Dio tanto giusto e buono,/ avrà la soluzione.
Dopo tutto, se ce l’ha,/ si può parlare di parità,/ ma se tutto rèsta così,/ l’uomo è cinque anni indietro.
