Rémin l’à tótt da bòn,
l’ Èrc, e’ Pòunt, e’ Dòm,
e’ Castèl, un bel Tèatre
mo u n’à l’Anfitèatre.
Per la verità u jè,
säta tèra da che dé,
us véd ch’ u n’è l’òra,
e e’ mumèint da tirèl fóra.
L’à pjó ad duméla an,
e’ tèimp un gni dà dan,
tènimòdi us tròva un brèv,
ch’e’ daga e’ via me schèv.
L’à una dimènsiòun,
de chèmp da zóg de palòun,
de Coloseo pjó znèin,
mo per Rémin e’ va bèin.
Chi dó ciotle ch’jarvènza,
jè la tèstimugnènza,
dla grandèza dla zità,
si rumèn sèimpre iquà.
Un’aréna si gladiatur,
per diès mèla spètatur,
per duèl, batai murtèli,
si liun, tigri e pantèri.
Nun ém vu la gran furtuna,
da trè fóra ad una ad una,
al domus un po’ iqué e ilá,
mo l’anfitèatre na.
L’è stè ma gl’intèmpéri,
e un depòsit ad macèri,
e nunustènt la su blèza,
jà bót ènca la mundèza.
E òz tótt i cinceschia,
i trachègia e is n’infescia,
quand e’ bastaria un badil,
per putè spustè l’ašil.
Il putria mèt té Setbèl,
che cmè pòst l’è pjò bèl,
sl’anfitèatre dimpèt,
e’ saria un lavór perfèt.
Ivano Aurelio Muratori
NON ABBIAMO L’ANFITEATRO
Rimini ha tutto davvero,/ l’Arco, il Ponte, il Duomo,/ il Castello, un bel Teatro,/ ma non ha l’Anfiteatro.
Per la verità c’è,/ sotto terra da quel giorno,/ si vede che non era l’ora,/ e il momento di tirarlo fuori.
Ha più di duemila anni,/ e il tempo non gli dà danno,/ tanto si trova uno bravo,/ che dia via allo scavo.
Ha una dimensione,/ del campo da gioco del pallone,/ del Colosseo più piccolo,/ ma per Rimini va bene.
Quei due ciottoli che rimangono,/ sono la testimonianza,/ della grandezza della città,/ coi Romani sempre qua.
Un’arena coi gladiatori,/ per diecimila spettatori,/ per duelli, battaglie mortali,/ coi leoni, tigri e pantere.
Noi abbiamo avuto la gran fortuna,/ di tirare fuori ad una una,/ le domus, un po’ qui e un po’ là,/ ma l’Anfiteatro no.
È stato alle intemperie,/ e un deposito di macerie,/ e nonostante la sua bellezza,/ gli han buttato anche l’immondizia.
E oggi tutti cincischiano,/ traccheggiano e se ne infischiano,/ basterebbe un badile,/ per spostare l’asilo.
Lo potrebbero mettere nel Settebello,/ che come posto è più bello,/ con l’Anfiteatro di fronte,/ sarebbe un lavoro perfetto.
