Ir, at chèša da par mè,
an savéva cuša fè,
ènziché guardè al stèli,
am sò fat dä tajadèli.
A muriva da la vòja,
e ò cminz a fè la spòja,
a l’ò tirata fóra,
ènca se an sò n’azdóra.
Per tajè al tajadèli,
per bulili e pu sculèli,
a jò mes tót l’impègn,
e de còg tót l’inzègn.
Per e’ sug am sò dét,
a faz sa quèl ti vašèt,
l’è ilé da Nadèl,
um tucarà pu duvrèl.
A l’ò fata la capèla,
ò arvinè la tajadèla,
s’un sug marunzèin,
amèr cumè e’ vlèin.
Una trèmènda schifèza,
ò bòt tót int la mundèza,
am sò incazè sa mè stès,
cmè se zèrti ròbi an li savès!
Sé al sò ò fat un sbaj,
ch’an me perdunerò maj,
duvrè e’ sug ti vašèt,
l’è stè pròpie un délét.
S’us sa in zir las fà bèla,
da la Cunfratèrnita dla tajadèla,
du ch’a sò un cunfradèl,
im caza via sèinza apèl.
Ivano Aurelio Muratori
L’HO FATTA LA CAPPELLA!
Ieri in casa da solo,/ non sapevo cosa fare,/ anziché guardar le stelle,/ mi son fatto due tagliatelle.
Morivo dalla voglia,/ e mi son messo a far la sfoglia,/ l’ho tirata fuori,/ anche se non sono una azdora.
Per tagliare le tagliatelle,/ per bollirle e per scolarle,/ c’ho messo tutto l’impegno,/ e del cuoco tutto l’ingegno.
Per il sugo mi son detto,/ faccio con quello nei vasetti,/ è lì da Natale,/ mi toccherà pure adoperarlo.
L’ho fatta la cappella,/ ho rovinato la tagliatella,/ con un sugo marroncino,/ amaro come il veleno.
Una tremenda schifezza,/ ho buttato tutto nella spazzatura,/ mi sono incazzato con me stesso,/ come se certe cose non le sapessi!
Sì lo so ho fatto uno sbaglio,/ che non mi perdonerò mai,/ adoperare il sugo nei vasetti,/ è stato proprio un delitto.
Se si sa in giro si fa bella,/ dalla Confraternita della Tagliatella,/ dove sono un confratello,/ mi cacciano via senza appello.
‘
