Al géva al ma’ mal burdèli:
a fè la spòja us dvèinta bèli!
Uv crès tèti, fiènc e cul,
a fòrza ad dej sè s-ciadur.
L’à da cór se tulér,
fórt cumè un bèrsagliér,
e per fèl purtròp us šgòba,
peró un si fà la gòba.
Tènimòdi a sì sicuri,
ch’uv vèin al ciapi duri,
s’ai dè fòrt e a fè bèin,
uv vèin e’ cul a mandulèin.
Sè purtamèint dl’azdóra,
pènza drèinta e pèt in fóra,
e sèimpre pina ad vòja,
da mètse a fè la spòja.
Per stiè ui vò una mòsa,
di fiènc che intènt is šgròsa,
e a forza ad punzè se spas,
us suda e us pèrd de gras.
A impastè u s’arduš,
dal dèdi cumè i fuš,
sla farèina e al gl’jòvi,
agl’jè sèimpre cmè nòvi.
A fè la spòja adiritura,
u s’èlza la statura,
ènca una ch’la è nana,
la pò crès ‘na mèza spana.
Per fè fòrza se tulér,
us rinfòrza e’ còrp intèr,
al brazi, al gambi e al còsi,
ch’al dvèinta bèli gròsi.
Ivano Aurelio Muratori
A FAR LA SFOGLIA SI DIVENTA BELLE!
Dicevano le mamme alle ragazze:/ a far la sfoglia si diventa belle!/Vi crescono le tette, i fianchi e il culo,/ a forza di darci col matterello.
Deve correre sul tagliere,/ forte come un bersagliere,/ e per farlo purtroppo si sgobba,/ però non si fa la gobba.
In ogni caso siete sicure,/ che vi vengono le natiche dure,/ se ci date forte e bene,/ vi viene il culo a mandolino.
Col portamento dell’azdora,/ pancia dentro e petto in fuori,/ e sempre piena di voglia,/ di mettersi a fare la sfoglia.
Per stiacciare ci vuole una mossa,/ dei fianchi che intanto si sgrossano,/ e a forza di spingere sull’impasto,/ si suda e si perde del grasso.
A impastare si riducono,/ delle dita come dei fusi,/ con la farina e le uova,/ sono sempre come nuove.
A far la sfoglia addirittura,/ si alza la statura,/ anche una che è nana,/ può crescere una mezza spanna.
Per far forza sul tagliere,/ si rinforza il corpo intero,/ le braccia, le gambe e le cosce,/ che diventano belle grosse.
