Al canòci ta li tròv,
sla pscaria che lis mòv,
agl’jè apèina pèschi,
ta li pò tò ch’agl’jè frèschi.
Agl’jà ‘na chèrna ligéra,
gustòši ènca sla zéra,
un s’ne pò magnè di chèl,
un gn’è vèrs ch’al fàza mèl.
Ta li pòrt tla cušèina,
per dèi una lavadèina,
us dròva l’aqua e sèl,
s’un gn’è quèla ad mèr.
Al canòci meda vivi,
agl’jè šgudèbli e cativi,
armèdi sa dagl’jantnaj,
al pò fè na masa ad guai.
S’agl’jè pini e sla zèra,
lis còš bèin sla gradèla,
difizil l’è cunzèli,
per via dla còzla e al chéli.
Lis stajaza una muliga,
che sina l’è fadiga,
a magnèli e nu fès mèl,
ch’al taja cmè un curtèl.
Quand agl’jè bèin cunzèdi,
al va dònca brustighèdi,
una róba da fè prèst,
sóra e säta sóra e’ tèst.
Al canoci lis fà pini,
tla fisura läng al schini,
d’òglie, aj e pèngratèd,
pévur, sèl, parsèmul tridèd.
Al va stèsi sla gradèla,
sora e’ fòg ad carbunèla,
e’ vèin una rustida,
tènt gustòša e sapurida.
Sia cèr che per magnèla,
un si dròva la curtèla,
e gnènca la furzèina,
la còzla lai dà pèina.
Ui vò l’aiut dal dédi,
e che lin sia incrichèdi,
ch’al tènga só la canòcia,
sla bäca ch’la šgranòcia.
A m’aracmand na i mòrs,
ch’us fnès te pròunt sucórs,
la còzla la t’inguaia,
lèngua e jabri la ti taja.
Ivano Aurelio Muratori
LE CANNOCCHIE FATTE ARROSTO
Le cannocchie le trovi,/ in pescheria che si muovono,/ sono appena pescate,/ le puoi prendere che sono fresche.
Hanno una carne leggera,/ gustose anche con la cera,/ se ne possono mangiare dei chili,/ non c’è verso che facciano male.
Le porti nella cucina,/ per dar loro una lavatina,/ si adopera acqua e sale,/ se non c’è quella del mare.
Le canocchie da vive,/ sono antipatiche e cattive,/ armate di due tenaglie,/ possono fare molti guai.
Se son piene e con la cera,/ si cuociono bene sulla graticola,/ difficile è conciarle/ per via della cocciola e le chele.
Si tagliuzzano un pochino,/ che se no è fatica,/ a mangiarle e non farsi male,/ che tagliano come un coltello.
Quando son ben conciate,/ vanno dunque abbrustolite,/ una roba da far presto,/ sopra e sotto sopra il testo.
La canocchia si fa piena,/ nella fessura lungo la schiena,/ di olio, aglio e pangrattato,/ pepe, sale e prezzemolo tritato.
Vanno stese sulla graticola,/ sul fuoco di carbonella,/ viene una arrostita,/ tanto gustosa e saporita.
Sia chiaro che per mangiarla,/ non si adopera il coltello,/ e neanche la forchetta,/ la cocciola dà loro pena.
Ci vuole l’aiuto delle dita,/ e che non siano bloccate,/ che tengano su la canocchia,/ con la bocca che sgranocchia.
Mi raccomando non i morsi,/ che finisci al pronto soccorso,/ la cocciola t’inguaia,/ lingua e labbra te le taglia.
