Am sò tróv una badènta,
brèva, blina e intèligèinta,
la è vnù meda l’èst,
e per tóla ò fat prèst.
La mi möj da chèša mia,
la la vléva mandè via,
la l’à vésta sculèda
l’è arvènza šgustèda.
Tènt che mè per armidièla,
a jò mès una mantèla,
s’una sièrpa e una brèta,
e la möj la è stè zéta.
Mè ch’an sò da caruzèina,
a vag a spas la matèina,
sla mi bèla biciclèta,
sa léa sóra mu mè strèta.
Dal vòlti per cuntantèla,
a la mèt sóra la sèla,
la pidèla cume un òm,
sa mè sóra me canòun.
Quii ch’im cnäs e ch’im vèd,
mi lór èćć miga ii crèd,
l’invigia lai ròd drèinta,
lai fà gòla la badènta!
L’è cmé ‘vè una Ferari,
i la guerda tót magari,
e pu is fà vnì l’idèa,
d’avèn una cmè léa.
Ai darò l’imprèsiòun,
d’ ès un bèl pò šburòun,
sicóm ch’ an sò un purèt,
la badènta am la permèt.
Ivano Aurelio Muratori
LA BADANTE ME LA PERMETTO!
Mi sono trovato una badante,/ brava, bellina e intelligente,/ è venuta dall’est,/ e per prenderla ho fatto presto.
Mia moglie da casa mia,/ la voleva mandar via,/ l’ha vista scollata,/ è rimasta disgustata.
Tanto che io per rimediarla,/ le ho messo una mantella,/ con una sciarpa e una berretta,/ e la moglie è stata zitta.
Io che non sono da carrozzina,/ vado a spasso la mattina,/ con la mia bella bicicletta,/ con lei sopra a me stretta.
A volte per accontentarla,/ la metto sulla sella,/ pedala come un uomo,/ con me sopra il cannone.
Quelli che mi conoscono e mi vedono,/ ai loro occhi mica ci credono,/ l’invidia li rode dentro,/ fa loro gola la badante.
È come avere una Ferrari,/ la guardano tutti magari,/ e poi si fanno venire l’idea,/ di averne una come lei.
Darò loro l’impressione,/ di essere un bel po’ spaccone,/ siccome non sono un poveretto,/ la badante me la permetto.
