Fra pòc l’è fèragäst,
nun an sém ancóra a pòst,
a sém indré sè magnè,
e indèciš sa còša fè.
Per ciapè ‘na decišiòun,
ò vlù fè una riugnòun
sla famèja a e gran cumplèt,
u jéra ènca un mi zi prét.
Quand ch’ò ciap la paròla,
ò dét av faz ‘na ròba sòla,
vujèlt cavév da la tèsta,
ch’a faza pjó dla mnèstra.
La mi möj la m’à dét:
a vòj magnè i caplét,
ch’jè mòlt pjó bon di tót,
e de rest mè am ne fót.
A jò rispòst per s-ciantèla,
l’è mej la tajadèla,
la dà ènca mènc da fé,
sicóm che e’ còg a sò mè.
E’ dà só e’ mi cušèin,
e’ prètènd i pasadèin,
s’an gni faz per fèragäst,
e’ va magnè t’un ènt pòst.
A jò dét, da òm sincér:
va pù che mè ò piasèr,
i pasadèin an ti faz,
che a fèi l’è un lavuraz.
Epù e’ dà só e’ mi fjól,
um diš: ba’ per mè i ravjól,
sè furmaj, la sèlvia e bór,
a jò dé strèda da cór.
Sèinza che ta t’ufènda,
va a magnei da la Dèlènda
e dii ch’a t’ò mand mè,
nu zcòrdte da paghè.
E’ mi zi sa mòlt rispèt
l’insèst per i quadrét,
l’è in dificultà,
zà che i dèint un gn’à.
A jò dét: zi tci mès mèl,
ciò va zó tl’uspidèl,
che ilé i fà ènca prima,
a dét una ministrìna.
La mi zia cun e’ zi prét,
jà prupòst i stròzaprét,
na ròba ch’lan gni stà,
per zèinta só d’ètà.
Al mi anvòdi sa dal lagni,
al dmandéva al lašagni,
mo mè an mi sò cumòs,
tènt a faz sna quel ch’a pós.
La vléva la mi fióla,
i macarun sè gorgonzola,
a jò dét: dai lasa stè,
che quii i fà gumitè.
Dop tót sti sugeriméint,
ò ringraziè tót i parèint,
e a jò invidè tla mi chèša,
a feragäst sla surprèša.
Ivano Aurelio Muratori
FERRAGOSTO CON LA SORPRESA
Fra poco è ferragosto,/ noi non siamo ancora a posto,/ siamo indietro col mangiare,/ e indecisi su cosa fare.
Per prendere una decisione,/ ho voluto fare una riunione,/ con la famiglia al gran completo,/ c’era anche un mio zio prete.
Quando ho preso la parola,/ ho detto vi faccio una cosa sola,/ voi toglietevi dalla testa,/ che vi faccia più della minestra.
Mia moglie mi ha detto:/ voglio mangiare i cappelletti,/ che sono molto più buoni di tutto,/ del resto io me ne fotto.
Le ho risposto per schiantarla,/ è meglio la tagliatella,/ dà anche meno da fare,/ siccome che il cuoco sono io.
Dà su mio cugino,/ pretende i passatini,/ se non glieli faccio per ferragosto,/ va a mangiare in un altro posto.
Gli ho detto da uomo sincero:/ vai pure che io ho piacere,/ i passatini non te li faccio,/ che sono un lavoraccio.
E poi da su mio figlio,/ mi dice: babbo per me i ravioli,/ col formaggio, la salvia e il burro,/ gli ho dato strada da correre.
Senza che ti offendi,/ va a mangiarli da la Delinda,/ e dille che ti ho mandato io,/ non dimenticarti di pagare.
Mio zio con molto rispetto,/ insiste per i quadretti,/ è in difficoltà,/ già che i denti non li ha.
Gli ho detto: sei messo male,/ di’ va nell’ospedale,/ che lì fanno anche prima,/ a darti una minestrina.
Mia zia con lo zio prete,/ hanno proposto gli strozzapreti,/ una roba che non ci sta,/ per gente su d’età.
Le mie nipoti, con delle lagne,/ domandavano le lasagne,/ ma io non mi sono commosso,/ tanto faccio solo quello che posso.
Voleva mia figlia,/ i maccheroni col gorgonzola,/ le ho detto: dai lascia stare,/ che quelli fanno vomitare.
Dopo tutti questi suggerimenti,/ ho ringraziato tutti i parenti,/ e li ho invitati nella mia casa,/ a ferragosto con la sorpresa.
