L’è vnù in sta zità,
prèsapòc òtzént an fà,
e’ vènèrand Sènt Antöni,
sèinza inchin e cerimògni.
A Rémin i zitadèin,
i Catari e i Patarèin,
èrètic da cunvartì,
i ne stéva da sintì.
Us n’è incórt e’ sènt,
che pridghèva per e’ vènt,
avilìd, mòs da scunfört,
u s’è ‘viè vèrs e’ pòrt.
Quand l’à tròv un punt fès,
l’à pridghè per i péss,
sa dal gran löd me Signór,
ènca di péss creatór.
Meda l’abès de mèr ,
jè vnù só i calamèr,
al baraculi, i barbun,
al sfòj, i ròsp e i bicun.
E tótt quant e’ pès turchin,
per fé me sènt l’inchin,
e’ manchéva a l’apèl,
sulamént e’ paganèl.
Zà ch’l’è un pès strèn,
l’à un nòm da paghèn,
quèst tènti prèdghi un li vò,
e u n’à vlù andè só.
Ch’jèlt péss miraculèd,
a bäca vérta e incantèd,
i guardéva féss e’ sènt,
ch’un s’aspitéva tènt.
J èrètic chi pasèva,
e sènt e’ i péss i ducèva
l’évént u jàvéva stupì,
tènt ch’i s’è cunvartì.
Per la grèzia de Signór,
Sant’Antoni bon Pastór,
dop stè mirècul ch’iqua,
l’è prutètór dla zità.
Ivano Aurelio Muratori
IL MIRACOLO DEI PESCI
È venuto in questa città,/ pressapoco ottocento anni fa,/ il venerando Sant’ Antonio,/ senza inchini e cerimonie.
A Rimini i cittadini,/ i Catari e i Patarini,/ eretici da convertire,/ non lo stavano a sentire.
Se n’è accorto il santo,/ che predicava per il vento,/ avvilito, mosso da sconforto,/ si è avviato verso il porto.
Quando ha trovato un punto fisso,/ ha predicato per i pesci,/ con delle gran lodi al Signore,/ anche dei pesci creatore.
Dall’abisso del mare,/ son venuti su i calamari,/ le baraccole, le triglie,/ le sogliole, i rospi, le aguglie.
E tutto quanto il pesce turchino,/ per fare al santo l’inchino,/mancava all’appello soltanto il paganello.
Giacché è un pesce strano,/ ha un nome da pagano,/ questo tante prediche non le vuole,/ e non ha voluto andar su.
Gli altri pesci miracolati,/ a bocca aperta e incantati,/ guardavano fissi il santo,/ che non si aspettava tanto.
Gli eretici che passavano,/ osservavano il santo e i pesci,/ l’evento li aveva stupiti,/ tanto che si sono sono convertiti.
Per grazia del Signore,/ Sant’Antonio buon pastore,/ dopo questo miracolo qua,/ è protettore della città.
