Sè sól ad stamatèina,
a sò ‘ndè a marèina,
ò tòlt litìn e umbrilòun,
fina a fèin stašòun.
La bagnina tènt zantila,
la m’à mès in prima fila,
du ch’al pasa al dòni bèli,
ch’ò chéra da guardèli.
An pòrt dré e’ canucèl,
ch’a n’ò sà d’jucèl,
e pu im ciapa per guardòun,
e a pèrd la riputaziòun.
Tènimòdi a li guèrd tóti,
sia cal bèli che cal bróti,
zà ch’am fés sóra al tèti,
cal gròsi ch’al staga dréti.
I cul a ni l’as pèrd,
quii os-cia s’ai guèrd,
im pièš a mandulèin
a chitara e a viulèin.
Mè a faz l’indifèrèint,
a bót l’òc di tènt in tènt,
e quand an véd un mòlt bèl,
am prèšènt cmè e’ tèl di tèl.
Ad Ply boy giurnalésta,
ad Tinto Brass aiut régésta,
ch’a zérc una cumpèrsa,
ch’lan sia ‘na pòri pèrsa.
Una ròba da nu créda,
ad quanti al casca tla rèda,
e um täca pu di mu mè,
quarziv e’ cul ch’ò scarzè!
Ivano Aurelio Muratori
AL MARE PER GUARDARE
Col sole di stamattina,/ sono andato al mare,/ ho preso lettino e ombrellone,/ fino alla fine della stagione.
La bagnina tanto gentile,/ mi ha messo in prima fila,/ dove passano le donne belle,/ che ho piacere di guardare.
Non porto dietro il cannocchiale,/ che ne ho abbastanza degli occhiali,/ e poi mi prendono per guardone,/ e perdo la reputazione.
Tanto le guardo tutte,/ sia quelle belle che quelle brutte,/ già che mi fisso sulle tette,/ quelle grosse che stiano dritte.
I culi non li lascio perdere,/ quelli osta se li guardo,/ mi piacciono a mandolino,/ a chitarra e a violino.
Io faccio l’indifferente,/ butto l’occhio di tanto in tanto,/ e quando ne vedo uno molto bello,/ mi presento come il tale dei tali.
Di Playboy giornalista,/ di Tinto Brass aiuto regista,/ che cerco una comparsa,/ che non sia una povera persa.
Una roba da non credere,/ di quante cadono nella rete,/ e tocca dire poi a me,/ copritevi il culo che ho scherzato!
