T at arcòrd quand nun dó,
tla spagnèra a tèsta in só,
sl’éria dòlza dla séra,
as gudémie la primavéra?
Tè t guardèvte ma la luna,
t cuntèvte al stèli una a una,
tai dmandèvte an sò ché
ségrét che t’è tnù té.
Ilé sa nun qualche grèl,
ch’us féva sintì i trèl,
mè a m’arcòrd incóra,
ch’ai fiscétèva sóra.
Ènca al zghéli al cantèva,
un rigalin ch’lis fèva,
per fè più dolza la séra,
e bèla la primavéra.
At ciamèva e’ mi téšór,
té sna mèna se mi cór,
quèl che mè listès a fèva,
per sintì cum ch’i batèva.
Per dó tré papèvur rós,
ch’at puzèva madòs,
e traméza mi cavél,
avéva un di bèš pjó bél,
e pu un ènt e un ènt incóra,
sal stèli che meda sóra,
agl’incantèva tót dó,
tènt ch’an vlémie pjó sté só.
A sintimie la carèza,
d’un refulin ad brèza,
bòn da fès indurmantè,
nun dó abrazèd ilé.
Ivano Aurelio Muratori
CI GODEVAMO LA PRIMAVERA
Ti ricordi quando noi due,/ nell’erba spagna a testa in su,/ con l’aria dolce della sera,/ ci godevamo la primavera?
Tu guardavi la luna,/ e le stelle ad una ad una,/ domandavi loro non so cosa,/ segreti che hai tenuto tu.
Lì con noi qualche grillo,/ che ci faceva sentire i trilli,/ io mi ricordo ancora/ che ci fischiettavo sopra.
Anche le cicale cantavano,/ un regalino che ci facevano,/ per far più dolce la sera,/ e bella la primavera.
Ti chiamavo il mio tesoro,/ tu con una mano sul mio cuore,/ quello che io lo stesso facevo,/ per sentire come battevano.
Per due o tre papaveri rossi,/ che ti appoggiavo addosso,/ e in mezzo ai capelli,/ avevo uno dei baci più belli.
E poi un altro e un altro ancora,/ con le stelle che da sopra,/ incantavano tutti e due,/ tanto che non volevamo più star su.
Sentivamo la carezza,/ di un alito di vento,/ capace di farci addormentare,/ noi due abbracciati lì.
