Cl’èlta nòta ólta al dó,
la gnafa la m’è vnù tò,
l’éra da pid de lèt,
ch’lam géva: a t’aspèt!
A jò mand un azidèint,
e a jò dét: ciò un mumèint,
t’ci èntra te mi sän,
per purtèm via da bòn?
Isé té, moramazèda,
t’am fè st’impruvišèda?
Ma té an t’ò mai vést,
tòd de caz e nòn insèst.
Léa zà bróta per natura,
sla faza grinzida e scura,
lam diš: nu t’agrèsta,
zinc minut tótt quèl ch’ut rèsta.
A sò una ad pòc’ paroli,
an vèng a cuntè al fóli,
e se té t fè tènt dul,
at pòrt via a chèlz te cul.
Mè ò trat e’ cul indré,
ò dét s’na bròta isé,
an vèng da nisuna pèrta,
an mi mòv e a stag alèrta.
Mèt che t cia una putèna,
o una ch’la lèz la mèna,
o na lèdra che lam cèva,
a dég ch’an ti cnusèva?
Tci la gnafa? un me ne frèga,
ch’ e Signór u t’azèga,
Bonanóta e adès va via,
sinó a cèm la polizia.
A ste punt us vèrz la pòrta,
a végg la möj e fóz la mòrta,
ch’lam diš: sa cla faza strèna,
t’è insugnè ‘na putèna?
E mè a jò dét magara,
am la sò vésta pròpie gnara,
l’éra la gnafa ch’lam zarchèva,
e a n’ò capì cuš ch’la vléva!
Ivano Aurelio Muratori
HO SOGNATO LA MORTE
L’altra notte dopo le due,/ la morte mi è venuta a prendere,/ era in fondo al letto,/ che mi diceva: ti aspetto!
Le ho mandato un accidente,/ e le ho detto: un momento,/ sei entrata nel mio sonno,/ per portarmi via davvero?
Così tu morammazata,/ mi fai questa improvvisata?/ A te non ti ho mai vista,/ togliti dal cazzo, e non insistere.
Lei già brutta per natura,/ con la faccia grinza e scura,/ mi dice: non dispiacerti,/ cinque minuti tutto quello che ti resta.
Sono una di poche parole,/ non vengo a raccontarti le favole,/ e se tu fai tanti lamenti,/ ti porto via a calci nel culo.
Io ho tirato il culo in dietro,/ ho detto: con una brutta così,/ non vengo da nessuna parte,/ non mi muovo e sto allerta.
Metti che tu sia una puttana,/ o una che legge la mano,/ o una ladra che mi frega,/ dico che non ti conoscevo?
Sei la morte? non me ne frega,/ che il Signore ti accechi./ Buonanotte e adesso va via,/ se no chiamo la polizia.
A questo punto si apre la porta,/ vedo la moglie e fuggire la morte,/ che mi dice: con quella faccia strana,/ hai sognato una puttana?
E io le ho detto: magari!/ me la son vista proprio nera,/ era la morte che mi cercava,/ e non ho capito cosa voleva.
