Nun rimníš èm tènta chèra,
d’ès zèinta ad mèr e d tèra,
e d magnè šgänd i nòst uš,
quèl che iqué us fà e us pruduš.
I caplét, al tajadèli,
i raviùl, al papardèli,
pièda radèć e sardun.
Un s’amènca gnint da bòn.
Ròba ad tèra e ròba ad mèr,
galèini e calamèr,
anàdri, canòci e sfòj,
ch’lis chèva tót al vòj.
Per i sgnur e i purétt,
pulèinta, rišòt, brudètt,
i rusùl, i sipuléin,
a sém casc magara béin.
Un gni pò ès gnint ad mèj,
di pizun, galèt, cunèj,
chèrna aròst, aròst e’ pès,
davéra a sém béin mès.
A magnèm ènca l’èrba,
che tènimòdi la ghèrba,
mi cunèj , mi pòl, mi vèćć,
rošli, scarpègn e radèć.
Èm e’ baghin in purchèta,
ch’us ne magna una fèta,
e la cròsta sè gras che còla,
lat pòrta int una fóla.
La zèinta la s’ amàza,
per magnè una puràza,
dó bdòć, un pògn d’ canèl,
frót ad mèr ècèzuinél.
Avém dla ròba ènca pjó bèla,
sópinglèša e la zambèla,
per cuntanté i luvaciun,
ch’ui n’é un scròl iqué da nun.
Ém ‘na tèra bènèdèta,
che ma tót las dà la tèta,
las fà magnè davèra béin,
ringraziand e’ Signurèin.
Pòst che un l’è quèl ch’e’magna,
nun iqué, int la Rumagna,
a sém tót bèla zèinta,
ch’las stà béin e l’è cuntèinta.
Ivano Aurelio Muratori
I RIMINESI CONTENTI DI QUELLO CHE MANGIANO
Noi Riminesi abbiamo tanto piacere,/ di essere gente di mare e di terra,/ e di mangiare secondo i nostri usi,/ quello che qui si fa e si produce.
I cappelletti, le tagliatelle,/ i ravioli, le pappardelle,/ piada, radicchi e sardoni./ Non ci manca niente davvero.
Roba di terra e roba di mare,/ galline e calamari,/ anatre, canocchie e sogliole,/ che soddisfano tutte le voglie.
Per i signori e i poveretti,/ polenta, risotto e brodetto,/ le triglie, i seppiolini,/ siamo caduti magari bene.
Non ci può essere niente di meglio,/ di piccioni, galletti, conigli,/ carne arrosto, arrostita di pesce,/ davvero siamo ben messi.
Mangiamo anche l’erba,/ che tanto garba,/ ai conigli ai polli e ai vecchi,/ rosole, carpigni e radicchi.
Abbiamo il maiale in porchetta,/ che se ne mangia una fetta,/ e la crosta col grasso che cola,/ ti porta in una favola.
La gente si ammazza,/ per mangiare una vongola,/ due cozze, un pugno di cannolicchi,/ frutti di mare eccezionali.
Abbiamo della roba anche più bella,/ zuppa inglese e ciambella,/ per accontentare i golosoni,/ che sono tanti qui da noi.
Abbiamo una terra benedetta,/ che a tutti ci dà il latte,/ ci fa mangiare davvero bene, ringraziando il signore.
Siccome che uno è quello che mangia,/ noi qui in Romagna,/ siamo tutti bella gente,/ che sta bene ed è contenta.
